Баярсайханы тэмдэглэл

Жон Смит гэж хэн бэ?

2011-06-09T00:14:00.000-07:00

Гүүглийн Андройд Хөгжүүлэлтийн видео үзэж байтал нөгөө л Жон Смит (John Smith) явж байна. Та ч бас хаа нэгтээ харсан байлгүй.
Сонирхол хөдлөөд, ер нь энэ хэн юм бэ?
Энэ бол зүгээр л нэр юм гэнэ ээ. Англиар ярьдаг улсуудын хамгийн түгээмэл нэр нь John Smith юм. Америк улсын хамгийн түгээмэл эхний нэр нь Жон, хамгийн түгээмэл сүүлийн нэр нь Смит юм байх.
Манайхаар Юндэн, оросыхоор Иван юм уу даа.

Хулсанд түргэн тусламж?

2010-12-26T19:30:00.000-08:00

Нэг хулс ингээд үзүүрээсээ шарлачихлаа, яах вэ?

Өөрөөсөө эхлэе.

2010-12-13T23:28:00.000-08:00

За манайх Улаанбаатарын хорт утаанд хувь нэмэрлэгч буюу нүүрс түлэгч "байлаа".
Байсан шүү. Одоо тийм биш.
Аан, тэгэхдээ орон сууцанд орж чадаагүй ээ. Чадал хүрэхгүй юм өө.
Энэ жил цахилгаанаар ажилладаг 3 ширхэг халаагчийг нийт 380 мян орчим төгрөгөөр авсан. Сар гаран хэрэглэж байна. Сая 11 сарынхаа цахилгааны мөнгийг төлөхөд халаагчийн зарцуулж буй хэрэглээ 32000 төгрөг орчим байлаа. За 35000 байг.
11, 12, 1, 2, 3 гээд бүтэн 5 сар ашиглахад 175000 төгрөг болохоор байна. Энэ чинь юу вэ? Манай өмнө нь хэрэглэж байсан нүүрсний зардал байна шүү дээ. Модыг оролцуулбал хямд ч болж байх шиг.
Ингээд айл бүр цахилгаан халаагч хэрэглэвэл утаа багасна даа. Төр засгийг хүлээх хэрэггүйгээр.
Өөрт мэдрэгдсэн бодит байдлыг бичвэл ийм байна.
Давуу тал:
- Өглөө босоход чинь гэр чинь дулаахан байна. Эсвэл үүрээр эрт босож гал түлэх хэрэггүй.
- Эзэнгүй байж байгаад гэртээ ирэхэд чинь дулаахан байна. /Бага дээр нь тавиад явчихдаг/
- Утаа, тортог болохгүй.
- Угаар үнэртэхгүй.
- Хувцас, гар чинь хөө тортог болохгүй.
- Хүйтнээр гарч мод хагалахгүй, нүүрсэнд гарахгүй.

Сул тал:
- Цахилгаан тасрахад л хэрэггүй эд болж байгаа юм даа. Хэ хэ. Тэгэхдээ мэдээж энэ бол байнгын биш. Манайх, нөөцөнд гээд мод бэлдчихсэн байгаа.
- Эхлэн суурилуулалтын зардал өндөр. Уг нь анх байшин барихдаа төсөвлөчихбөл амар байсан юм байна лээ. Суурьлуулахад ч гэсэн. Яваандаа ч ашгаа өгнө шүү дээ.
- Танай оромж дулаан алдагдал маш бага байх хэрэгтэй. Гал түлдэг байлаа ч үүнийг маш сайн анхаар. Бас л бариагүй байхдаа сайн бодолцох хэрэгтэй.
- Цахилгааны чанар сайн байх. Хэлбэлзэл унадаггүй байх нь бас их чухал гэсэн. Хэрэв муу бол халаагч чинь бүрэн чадлаараа ажиллаж чадахгүйн дээр маш их цахилгаан зарцуулна. Ашиггүй тал руугаа орж байгаа юм уу даа. Улаанбаатарын захын гэр хорооллууд ийм байдаг байх. г.м.

За тэгээд аюулгүйн дүрэм, журмыг нь ч анхаараад явбал гайгүй дээ.
Дээрээс нь машиндаа бас цахилгаан халаагч тавих гэсэн боловч амжсангүй ээ.

Нэг шөнө дулаан хоновол мянган лан алт. гэж

Хажуу айлыхан манайхаас утаа гарахгүй болохоор эзэнгүй байгаа байх гэж боддог байх даа.

Худлаа сайт

2010-11-11T03:18:00.000-08:00

Вэб сайт гээч юмыг нэг үүсгээд л мартах нь одоо ч хэвээр байсаар байх юм. Өнөөдөр Голомт банкнаас үйлчилгээ авахын тулд, эхлээд сайтнаас нь шаардлагатай мэдээлэл авав. Тэр мэдээллийн дагуу бэлдэж очив. Гэвч газар дээрээ шал өөр байлаа.
Өнөөдөр хүсэлтээ өгөөд, маргааш хэрэгжүүлж эхлэх байсан үйлчилгээ бүтсэнгүй. Хоёр удаа эргэж буцсаар байтал ажлын цаг нь дуусаа. Маргааш хүсэлтээ өгөхөөр болж хугацаа алдчихлаа. Ядаж байхад маргааш баасан гариг таарч, тухайн өдөртөө багтах эсэх нь эргэлзээтэй болов оо гэж...

Монголын томоохон, өндөр хариуцлагатай гэж миний үздэг байгууллага интернэтийг мэйл бичиж, мессенжердэх төдий зүйл гэж хүлээн авдаг бололтой.

Бухимдахгүй байх арга алга. Сайтаа үхмэл байдалтай битгий байлгаач.

Дүрэм мэдэхгүй жолооч их байна.

2010-07-26T20:41:00.001-07:00

Эх нялхсын баруун хойд уулзвар дээр гол зам чиглэлээ өөрчилсөн байдаг юм.

http://www.traffic-institute.mn/c_rule/c-01/c-01-03/mon/c-01-03m-12.html дүрмээр бол /12.11/ "Б" талаас ирж байгаа машин хамгийн эхэнд, дараа нь "А" талаас ирж байгаа машин тус тус уулзварт нэвтрэх ёстой. Үүнийг А, Б алинаас нь ч орж байгаа жолооч нар мэддэггүй. Бүгд л А-г давуу эрхтэй юм шиг боддог. Дүрэм мэддэг жолооч ер нь байна уу? гэмээр.

Өнөөдөр би Б талаас ороод, орохдоо А талаас ирж байгаа машинд дүрмийнхээ дагуу зам тавиагүй. Тэгсэн чинь аксент барьсан тэнэг авгай араас сигналдаад, намайг тэнэг гээд сүйд болж байна аа. Удаан явж байгаад хажуудаа гаргаж ирж байгаад хэрэлдэх гэсэн чинь гүйцэж түрүүлдэггүй шүү. Худлаа л араас баахан тэнэг гээд. Эх нялхсын зүүн талд цаад эгнээгээр түрүүлээд алга болчихсон. Харин чингэлтэйн цагдаагийн тэнд явж байдаг байгаа. Хажуугаар нь гарахдаа Дүрмээ мэдэхгүй тэнэг чинь гэж хашгирчихаад өнгөрсөн дөө.

Агаар цэвэршүүлэгч тасалгааны 15 ургамал.

2010-07-20T03:44:00.000-07:00

Өдөр бүрийн хэдхэн дусал усны үнээр агаарыг чинь цэвэршүүлнэ гэнэ ээ.
http://air-purifier-reviewsite.com/blog/15-house-plants-you-can-use-as-air-purifiers/
Ийшээ орж баримт, нотолгоотойгоор ямар ургамлууд агаар цэвэршүүлэгч шилдгээр тодорсныг үзнэ үү.

Миний мэдсэнээс авиргана, нөмөргөнө, мөнхрөө, ногоодой, ойм, удвал, зуун наст л байх шив. Тэгэхдээ дотроо бас өөр, өөр төрлүүд нь юм шиг байгаа юм. Бусад пальм төрлийг нь мэдэхгүй юм. Албан тасалгаанууд пальмаар чимэх аваас гоё оо.

Хэл соёл утгагүй боллоо л доо

2010-05-09T20:03:00.000-07:00

ТВ9 дээр "Анализ" мэдээллийн тойм хөтөлбөр гээд гарч байна. Юу гэсэн үг вэ???

Анализ - задлан шинжлэх
тойм - товчилсон

Нарийвчлан судалсан товч мэдээ. Надад л бууж өгөхгүй байна даа.

Recursived Teamviewer

2010-04-13T03:02:00.000-07:00

Ийм юм болчихдог юм байна. Минийх рүү хандаж байхад нь би сөрж хандаад... хэ хэ.

Unitel vs Tiger

2010-02-11T00:40:00.001-08:00

Юнителийн сурталчилгаа:

Зураг дээр дарвал арай томоор харагдах байх. Дээрх зургийг news.mn-ийн сурталчилгаанын самбараас авч ирэв. Өөр зурагтаар ч бас гарч байгаа.

Харин доорх зураг бол Tiger шар айргийнх:
http://www.epicicons.com/detail.php?i=2&c=1 -ээс харж болно.
Аливаа бүтээгдэхүүний зургийг шууд ашиглаж болно гэж үү?

ТВ-үүдийн мэдээ

2010-02-10T20:18:00.000-08:00

Пүрэвээс ням гариг хүртэлх.

МҮОНТВ
"Hey Hey" уралдаант цэнгээнт нэвтрүүлэг
"Face to face" Talk show
"MM-Today" English news
Mobilotto

Ариусахуйн гүмүда

УБС

CITY NEWS

BUSINESS NEWS

EXIT Зар сурталчилгаа

EN FACE ярилцлага
Deus продакшн МӨРӨӨДӨЛ БИЕЛДЭГ ЮМ
COOK TIME
Hot funny
Naked funny
БИ ЧАМД ХАЙРТАЙ-2 Making the movie
Entertainment News
MONGOLIAN MUSIC хөгжмийн хөтөлбөр
MESSENGER МЭНДЧИЛГЭЭ
WEEK NEWS тойм хөтөлбөр
TV ZONE Шууд нэвтрүүлэг
RISING FILM Кино нэвтрүүлэг Сар шинийн дугаар
САЙН УУ,САЙНАА? Ток шоу МУГЖ Д.Сосорбарам
МОНГОЛЫН СУПЕР КОНЦЕРТУУД Сар шинийн тусгай дугаар

МН25
Телешоп
"Дуэт- Дуэль" шоу нэвтрүүлэг
Rock news
ТВ Галерей
Хэт трик
"Banana" телесэтгүүл
Smile
"Non stop" хөтөлбөр

ТВ5
"Home shopping"
" Хүрээнийнхэн"мюзикл 2009 он
Love music хөгжмийн хөгжмийн хөтөлбөр

ТВ9
"Энэ өдөр" – in Focus
Music and ТВ зууч
"Umbrella music" соёл урлагийн нэвтрүүлэг
Business maximum 88
Маking movie: @"Би чамд хайртай 2" Монголын УСК
"Umbrella fashion" нэвтрүүлэг

Си1
Тотал спорт
Фокус ТВүүдийн мэдээний тойм
Шоу биз
Total Sport
Movie line

НТВ

"NTV news 21"

NTV sport news
"Мода арт" реалити шоу 6
"Авъяслаг Германчууд" реалити шоу-2
Пресс экспресс
Сувдан beauty салон үзүүлж байна
"Beetle music" хүүхдийн хөгжмийн нэвтрүүлэг
"N-music"
ТВ доктор
"Urban city" хөгжмийн нэвтрүүлэг

ТВ8
Fashion залуучуудад зориулсан Интертаймт нэвтрүүлэг
Movie box

ТМ
"Бээжин экспресс" шоу нэвтрүүлэг /8/
"Realty time" үл хөдлөх хөрөнгийн нэвтрүүлэг
Дэлхийн цаг. In Focus

СБН
SBN NEWS /Давталт/
ШОК. "МИНИЙ МАШИНЫГ АВРААЧ-3" шоу
Music line
ШОК. "МИНИЙ МАШИНЫГ АВРААЧ-4" шоу
"ROUND" Тулааны нэвтрүүлэг
"W-music" хөгжмийн хөтөлбөр
ГАРАЖ-ИНК 40
W Show time

Боловсрол ТВ
Edutaiment chat
"Билим" теле сэтгүүл
NBA-н бүх оддын тоглолт/slam dunk,3 point,/

МЖТВ
"Home Shoр"
Америкийн ТВ шоу 3
"SMS chat"

БТВ
"B spot" мэдээ /англи хэлээр/
"Шөнийн ТҮЦ" мессеж зарын цаг

Ийгл ТВ
"Brain Capital" нэвтрүүлэг
Eagle news
TV sale давтана
"Маркет плейс" бизнес нэвтрүүлэг
Cook time /шинэ/
"Факт" асуудал хөндсөн нэвтрүүлэг
"Buzzer shot" спорт / шууд/
E-Link / Англи хэлний хичээл/

ССиЭйч
ТВ шоп 8888

Сумо хэрэггүй ээ!

2010-02-07T17:34:00.000-08:00

Бүгд л сумо ярьж байх шиг байна.
Тэр сумо тэнэг шд.
Харин ч зодог тайлсан нь зөв. Тэгээд л тэр тэнэг дүрмийг нь дагах гээд л байж байх юм гэнэ. Би байсан бол чадах ч үгүй. Удахгүй сумогийн холбоо гээч нь харамсаад эхэлнэ л дээ. Харж байя.
Эцгийгээ өнгөрөхөд гашуудаж ч болохгүй гээд л тэнэг, тэнэг юм аа хүнд тулгаад байдаг тэр сумо хол явахгүй ээ.
Харамсаад байгаа хүмүүс больцгоо!

"Tree" theme of Gmail

2009-11-11T20:19:00.000-08:00

Хэрэв gmail ашигладаг бол Tree гэдэг сэдвийг сонгоод үзээрэй.
Сонгох үед таны оршин буй хотыг асуудаг юм. Ингэснээр тухайн хотын цаг агаарыг уг сэдэвтэй холбож өгөх боломж бий болж байна гэсэн үг.
Өнөөдөр яг одоо цас орж байна. Миний gmail-д ч бас цас орж байна:

Хэрэв зун бороо орж байвал бороо орж байгааг харуулдаг юм.

Уншаад л үз.

2009-10-12T19:35:00.000-07:00

Энэ блог дээр бичигдэж буй зүйлс надад таалагдаад байгаа юм.
Харин та энэ бичлэгийг нь заавал уншихыг бодоорой.

Би монгол хэл мэдэхгүй юм шиг байна өө.

2009-10-07T20:12:00.000-07:00

Би гэдэг хүн энд тэнд монгол хэл гэж их ч ярьсан байх. Зарим блогчингуудыг шүүмжилж ч явлаа.

Гэвч сүүлдээ би ингэхэд өөрөө монгол хэл мэддэг эсэхдээ эргэлздэг боллоо. Эвгүй харагдаж байсан зүйлсийг харсаар байгаад дадал болчихдог гэдэг. Тэр нь болж байгаа юм болов уу? Хаа нэг газар тааралдах зөв ч бай, буруу ч бай үгийг зөв л байх даа гэдэг болсон шүү дээ.

За хар яриагаар бичсэн, алдаатай бичигддэг түм буман блогуудыг орхиё, болчихъё. Харин албан бичиг тийм баймааргүй байна. Над дээр орж ирсэн албан бичгүүд дээр "ажлуулах" /ажиллуулах баймаар юм/, "дараах", "дараахь" /нэг үгийг хоёр янзаар бичсэн/ гэх мэт. Энэ гурван үг бол яг одоо миний ширээн дээр байгаа гурван албан бичиг дээр байна. Асуудлыг шийдвэрлээд цааш хийсэн албан бичгүүд дээр эргэлзээтэй үгс мэдээж байж л байгаа.

Бас дунд сургуулийн сурах бичгийг би уншаад ойлгохооргүй болсон байна лээ.
Миний үед бүжин, эрвээхэй гэж сурах бичиг дээр байгаад, би тэгээд л сурчихсан юм даг. Одоо бөжин, эрвээхий ч гэх шиг. Өөр юу юу ч байлаа даа...

Осолдохгүй л ойлголцоод л яваад байх юм даа, хөөрхий монголчууд.

Харин та Монгол хэл мэддэг л биз дээ?

Ажиглагч-1

2009-08-21T06:11:00.000-07:00

МҮОНТВ-ээр спортын мэдээний дараа "Маамуу нааш ир" гардаг юм. Тэрэнд хүүхдүүд дуртай.
Хүүхдэд хэрэгтэй ойр зуур юм ярихаас гадна хүүхэлдэйн кино үзүүлдэг.
Гэвч саяхан хулхиддаг байна шүү. Ойрд Рекс киног гаргаад байгаа юм л даа. Надад Рекс киноны бараг бүх анги байдаг юм. Хүүхдэдээ үзүүлэх гээд олж авсан.

Гэвч энэ ангийг үзүүлэхдээ сүүлийн хэдхэн хормыг хасаж хаядаг байгаа. Би үзчихсэн болохоор шууд мэдэж байгаа байхгүй юу.

/Ажиглагчийг хальт дуурайв./

Үхмэл сайтууд

2009-08-18T18:29:00.000-07:00

Ийм сайтууд ч олон байх юм даа. Вэб сайт үүсгэчихээд эхэндээ овоо ажиллагаатай байлгана.
Тэгснээ вэб сайттай гэдгээ мартчих юм. Зарим нэг блогууд л дорвитой мэдээлэл өгөх юм даа.
Гоожуур цэг ком ажиллахгүй болсон үест олон хүн ганц ордог сайт маань байсан юм гэж халаглаж байсныг харахад нэг юм хэлээд ч байх шиг.

Энэ блог дээр Юнител 3,5Ж-г нэвтрүүллээ гэх... Гэтэл Юнителийн албан ёсны сайт дээр нь энэ тухай юу ч алга. Шинэ мэдээ гээд орохоор "Мэдээлэл алга байна" гэнэ ээ. Ингэхээр энэ мэдээлэлд итгэх үү? байх уу?

Oracle ӨС-ийн чинь нууц үг хэр найдвартай бол?

2009-08-03T05:38:00.000-07:00

Ийм нэг авсаархан хэрэгсэл байдаг юм байна:
http://www.red-database-security.com/software/checkpwd.html

Ойр зуурын нууц үгүүдийг гаргаад л ирж байна лээ.

VLC дамжуулга тоглуулагчийн 1.0 хувилбар гарлаа.

2009-07-09T04:37:00.000-07:00

Урт удаан хугацааны туршид "0.х" хувилбараар явсан VLC дамжуулга тоглуулагч нээлттэй эхийн програм сая л 1.0 хувилбараа гаргалаа.
Түүний голлох онцлогууд нь:
- Нээлттэй, үнэгүй ҮС хамааралгүй
- Бараг ихэнх кодчилолыг (codecs) тоглуулж чадна
- Монгол хэлээр зэрэг юм.

Та бүхэн ашиглаад үзээрэй.

Монгол бичгээ сурцгаая

2009-06-26T02:16:00.000-07:00

Нэгэн зүйл: http://xvv.blogmn.net/21109/ -д ийм санал гаргасан байна.

Нэгэн зүйл: Монголын үндэсний телевизээр Тунгаамал нэртэй эх хэлний уралдаант нэвтрүүлэг үзлээ. Тэнд үг бүтээврийн болон найруулгын алдааны тухай ийн тайлбарлаж байна: "Монгол бичигт тэгж бичдэг учраас үүнийг ингэж биш, тэгж бичих ёстой.".
Зөв бичих дүрэм нь явж, явж Монгол бичиг рүү ороод байгаа юм чинь, кирилл үсгийн дүрэм, Монгол бичгийн дүрмийг зохицуулах гэж байхаар шууд л Монгол бичгийн дүрмээ сайн сураад авья.

Яагаад англи хэл гэж?

2009-06-17T21:30:00.000-07:00

Латин үсэг рүү шилжүүлэх, Монгол улсын хоёрдогч хэл ч гэх шиг...
Бид америкт очихоороо америкчуудтай англиар ярьдаг. Тэгвэл америк хүн Монголд ирээд яагаад монголоор ярихгүй байгаа юм бэ? Бид ийм байдлаар төрөлх нутаг дээрээ гадны хүнд долигоноод байж болох уу? Бид америкт очоод яагаад Монгол хэлээр харьцаж чадахгүй байгаа юм бэ? Энэ бол бид өөрсдийгөө тэднээс дорд үзсэн хэрэг юм болов уу?

(би их дээр үед уншиж байсан болохоор хаана болсон явдал, ямар хэлүүд дурдагдсан талаар мартчихжээ. Гол утгыг нь санаад байгаа юм. Жишээ болгоод хэлийг нь зохиогоод өгчихье.)
Нэгэн нутагт (Монгол) гадны хүн (Испани иргэн) явж байгаад нутгийн хүн (магадгүй Ринчен)-ээс зам асууж л дээ. Асуухдаа эхлээд өөрийн хэлээр (испани) асууж. Нутгийн хүн ойлгосон боловч өөрийн хэлээр (монгол) хариулсан байна. Гэвч асууж буй этгээд нь ойлгосонгүй. Дахиад өөр хэлээр (англи) асуув. Нутгийн хүн бас л ойлгосон ба хариулахдаа нутгийнхаа өөр хэлээр (казак) хариулав. Гадаадын хүн нь бас л ойлгосонгүй. Гурав дахиа асуув. Бас л өөр хэлээр (франц). Нутгийн хүн бас л өөрөөр (буриад аялга) хариулав. Ингээд ойлголцохгүй юм байна гээд салан одов. Нутгийн хүнтэй цуг байсан хүн энэ хүн юу гээд байсан бэ? гэж асуув. Жорлон хаана байна? гэж асуусан, гэхэд. Тэгээд ойлгосон юм бол хариулаад өгчихгүй яасан юм бэ дээ? гэж зэмлэнгүй хэлэхэд нь "Би энэ нутгийн хүн, нутаг дээрээ яагаад өөр хэлээр ярих ёстой юм бэ?" гэж хариулав. Тэгэхэд цуг байсан хүн нь санааг нь ойлгож, түүний зөв юм байна гэдгийг ухаарчээ.

Ер нь англи хэл яагаад шаардагдаад байна вэ?
Би үүнийг мэдээллийн технологийн шинжлэх ухаантай холбоотой (мэдээж бусад олон нөлөөлөл байгаа байх) гэж бодож байна. Хэрэв америкчууд испани хэлээр (тэгэхдээ тал нь ярьдаг шүү дээ) ярьдаг байсан бол тооцоолуурт испани үсэг дүрслэх байсан. Испани үгүүдээр коммандыг бичих байсан. Өнөө үед англи хэл биш испани гэх байсан.
Би орос хэлийг зургаан жил дунд сургуульд үзчихээд, миний мэдэх орос үг ганцхан жил дээд сургуульд үзсэн англи хэлээс яагаад бага байна вэ? Миний жишээн дээр бол тооцоолууртай холбоотой болж таарч байна.
Тэгэхээр бид Монгол хэлээ аврахын (Монгол хэл нь уруудаж буй хэлийн жагсаалтад орсон) тулд мэдээллийн технологийн агуулгыг Монгол хэл дээрээ арвижуулцгаая.

Энэхүү англи хэлний давамгайлал бол түр зуурынх гэж би боддог.
Тийм болохоор тооцоолуурын орчинг Монгол хэл дээр болгоцгооё.

Сонин тохиолдол

2009-06-16T20:51:00.000-07:00

Монгол, Япон хоёр улс дэлхийн түүхэн дэх хамгийн их усан флот бүхий тэнгисийн болон хамгийн их онгоц оролцсон агаарын тулааныг хоорондоо хийжээ.
1272-1278 онуудад Хубилай хаан Япон руу усан замаар дайрч Японы хил дээр дайтсан байна. Тэгэхдээ гол тулаан нь тэнгисийн дунд биш эрэг дээр болжээ.
1939 оны үед дэлхийн хоёрдугаар дайны эхлэл болсон тулааныг Япон манайх руу газар ба агаараар дайрч Монгол улсын хил Халхын голын хавьцаа тулалдсан байна.
Хоёулаа цааш нэвтэрч чадаагүй.
Гэвч түүхэн хугацааны ялгаатай энэ хоёр дайны эхлэлд, хоёуланд нь Япон буруутай ажээ.

Nod32 > KAV

2009-05-28T02:13:00.000-07:00

KAV-ын илрүүлж чадалгүй шургуулчихаад байдаг флаш дискийн вирусүүд байна шүү дээ.
Тэдгээр вирусыг NOD32 жишим ч үгүй устгачихдаг байна шүү. Миний муулаад байдаг NOD32 шүү дээ. Сайнтай муутай гэдэг нь энэ байх даа.
Тэгэхдээ флаш дискийн бүх вирус дээр туршиж үзээгүй гэдгийг анхаарна биз.

Иргэний үнэмлэхээрээ тоглуулсангүй.

2009-05-24T20:42:00.000-07:00

Сонгуулийн өглөө гарсан мэдээнүүдээр ирц сайн байна гэж байлаа. Орой гэхэд хүмүүс гайгүй байх гэсэн бодолтой болчихсон юм. Бодсоноороо 19 цаг өнгөрөөгөөд очтол сургуулийн үүднээс гадаах хашаагаа тойрсон дараалалтай байдаг байгаа. За бүтэхгүй юм байна гээд харив. 23 цаг нилээд өнгөрөөж байгаад гарах гэсэн боловч өдөржингөө дэмий тэнэсэн хүний залхуу хүрээд болилоо. Гэвч мэдээгээр манай хэсгийн дараалал багасах нь бүү хэл, сонгуулиа өгч чадаагүй бөөн хүмүүс гадна хоцорчээ. Үүнээс зохион байгуулалт муу, мөн л технологийн хоцрогдмол байдал нөлөөллөө гэж би бодлоо. Ямартай ч иргэний үнэмлэх дээр дардас даруулсангүй. Оюутны Visa карт шиг баахан юм даруулчихаад (дараагийн сонгууль, дахин сонгууль өгөх бүрт даруулна) иргэний үнэмлэх гэсэн утгаа алдаад, сонгуулийн үнэмлэх шиг л болох байлаа. Аягүй бол сүүлдээ дарах зай олдохгүй шинээр авах хэрэг гарна шүү.

National Geographic

2009-05-19T06:14:00.000-07:00

http://www.nationalgeographic.com/index.html
Ер нь та бүхэн энэ сайт руу ороод, ухаад үзэхэд тун дажгүй шүү. Ялангуяа сар бүрийн шилдэг зургуудыг үзээрэй. Мөн аялал, шинжлэх ухаан, фото зураг гэх мэт асар их мэдээлэл агуулсан лут сайт байгаа юм.
Хайлтын талбар дээр "mongolia wallpaper", "mongolia photography" гэсэн түлхүүр үгүүдээр хайхад гоё, содон, бахархмаар зургууд байж байгаа шүү.

Сүртэй зураг байна даа.

2009-05-19T06:02:00.000-07:00

National Geographic дээрх баруун монголын казак эрийн зураг байж байна.
http://photography.nationalgeographic.com/photography/enlarge/kazakh-eagle-hunter.html

Энэ зураг нь "Шилдэг" урын сангийн жагсаалтад багтжээ.

CDMA утсаар Линуксээс интернэтэд холбогдох

2009-04-12T07:48:00.000-07:00

Өөрийн Скайтелийн утсаараа холбогдож чадахгүй явж байгаад, энэ амралтын өдрөөр тухтай сууж үзье гэж байгаад үзлээ л дээ.
Мөнхбаатарын энэ аргаар үзээд ямар ч төвөггүйгээр холбогдож чадав. Виндовс дээр бол заавал өөрийнх нь хөтлүүрийг суулгаад байдаг. Харин Линукс дээр тэгэх шаардлагагүй хоёрхон команд бичээд л болсон. Миний утас Скайтелийн үйлчилгээ авдаг ба SK IM-S110 гэдэг утас бөлгөө. Федора, Үбүнтү тархцуудад туршсан болно. Хоёуланд нь үр дүн амжилттай.

Мөнхбаатарынх дээр нэмж хэлэхэд доорх зурган дээр дууны удирдлагын хажууд антенны зураг гарсан байгааг анхаарна уу. Сүлжээний зураг дээрээ хулганы зүүн товчийг дарахад Auto Mobile Broadband (CDMA) Connection нэмэгдсэн байх (минийх дээр яг хэзээд нь нэмэгдсэн байсныг нь анзаараагүй.) ёстой. Түүн дээр дарахад утасны дугаар, нэвтрэгч болон нууц үгүүдийн сонголт гарч ирнэ. Тэнд нь утсаараа холбогдоход шаардлагатай мэдээллүүдийг нь оруулж өгөөрэй. Скайтелийн хувьд залгах дугаар нь 1501, нэвтрэх нэр ба нууц үг нь evdo байдаг. Хэрэв та холбогддог бол мэдэх байх. Ингээд дараа нь үүнийгээ ашиглаад байвал Terminal дээр sudo wvdial командыг хийгээд байх шаардлагагүй болно. Холболтыг таслахдаа уг холболтын доод талд орших Disconnect-ийг ашиглана.

Монгол хэлний дүрэм Нэвтэрхий толь дээр

2009-04-09T05:41:00.000-07:00

Википедиа
ЛиМНукс Вики

Google-ийн өгөгдлийн төв гэнэ дээ

2009-04-08T05:04:00.000-07:00

Япончуудад мэдэгдэх нь

2009-03-27T01:47:00.000-07:00

Манай улсын нэрийг Монгор биш Монгол гэж дуудсугай!

Гүржийхэнтэй барьцав. :)

Цонхууд дээр суулгац бэлдэгч

2009-03-26T20:09:00.000-07:00

NSIS - Nullsoft Scriptable Install System.
Энэ бол нээлттэй эхийн суулгац бэлдэх Цонхуудад зориулсан програм юм. Та бүгдийн сайн мэдэх Winamp програмыг гаргагч Nullsoft үүсгэсэн. Онцлогуудаас дурдвал:
- суулгацын бүх үндсэн үүргүүдийг гүйцэтгэнэ
- бүтээгдэхүүн нь хэмжээ багатай
- Цонхууд 95-Vista хүртэл боломжтой
- ZLib, BZip2, LZMA зэрэг шахалт ашигладаг
- Скрипт ашигладаг. Үүгээрээ бусдаасаа ялгарах ба магадгүй илүү боломжийг олгох болно
- Нэг суулгацад олон хэл нэгтгэх боломжтой
- Нэмэлтүүдтэй (plugin) гэх мэт.

Эх хувилбар нь зөвхөн ANSI дэмждэг боловч эх хувилбар дээр суурилсан Юникод дэмжлэгтэй хувилбар байдаг. Юникод хувилбарыг нь Winamp, Mozilla (Firefox, Thunderbird, Seamonkey, Sunbird), OpenOffice (3.0), Flicker Uploader зэрэг програмууд суулгацдаа ашигласан байдаг.

Миний бие эх болон Юникод хувилбарыг нь орчуулсан байгаа.

Эх хувилбар: http://nsis.sourceforge.net/
Юникод хувилбар: http://www.scratchpaper.com/

Линуксийн ханын цааснууд

2009-03-26T01:17:00.000-07:00

97 ширхэг

татах

Монгол хэл, бичиг, соёл мөхөх нь гэж зохиолчид “эмгэнэв”

2009-03-24T04:02:00.000-07:00

Монгол хэл, бичиг, соёлын хишиг өдөр өчигдөр болж өнгөрөв. Үндэсний төв номын сан, Боловсрол, соёл, шинжлэх ухааны яам, Монголын зохиолчдын эвлэл хамтран “Үндэсний бичиг үсгийн баяр” нэрийн дор зохион байгуулсан эл хуралд нийгмийн оюунлаг давхаргын төлөөлөгч болох зохиолчид “Чихэнү чимэг болсон аялгуу сайхан монгол хэл”, бичиг юүгээн хойшид хэрхэн цэвэр ариунаар үр хойчдоо өвлүүлэх талаар санал бодлоо илэрхийлцгээв.

МЗЭ-ийн гүйцэтгэх захирал Х.Чилаажав: - Зохиолч хүнд хамаагүй зүйл гэж энэ нийгэмд байхгүй. Монгол хэл, бичиг, түүх, соёл, уран зохиолоо даяаршлын эл эрин үед хадгалж үлдэх нь чухал байна. Үнэн үг хэлэх хүн олдохоо болилоо, Үндэсний бичиг, соёл устаж алга боллоо, дунд сургуулийн сурах бичгээс уран зохиол, монгол хэл, бичгийн хичээлүүд шахагдаад заагдахаа байлаа гэж дэвшилтэт бодол санаатай зохиолчид маань эмзэглэх болсон. Иймээс энэ хурлыг хийх нь зөв гэж бодсон юм.

Ардын уран зохиолч Д.Пүрэвдорж: - Аливаа улс оронд үндэсний хэл, бичиг, түүх, соёл нь тусгаар тогтнолтой салшгүй холбоотой ойлголт байдаг. Тэнгэрийн доор амьдарч, төрийн алба залгуулдаг улстөрчид энэ тухайд ямар бодолтой байдаг юм бол? ХХ зуунд монгол хэл, монгол бичгийн төлөө үгээ хэлсэн төрийн ихэс дээдэс цөөхөн. Зарим нь бүр нэрвэж нэрмэхэд л нэмэр болсон байх. Хүн төрөлхтөний соёлд оруулсан монгол бичгийг үнсэнд хаясан шалз шиг үл тоомсорлосон нь харамсалтай. Үндэснийхээ бичгийг сэргээе гэхээр эсэргүүцдэг, хилэгнэдэг бүхэл бүтэн үеийг ХХ зуун хүмүүжүүлж. Ардчилал гарч ирээд бичиг, соёлоо сэргээх хандлага гартал буцаагаад “нугаслаад” авлаа. Монгол Улсын Үндэсний аюулгүй байдлын зөвлөл гэдэгт манай гурван том дарга ордог юм гэсэн. Тэднийг юу ч дуугарахгүй байсаар байтал монгол гэсэн тодотголтой бүхэн устаж алга болох нь. Зохиолчид, эрдэмтэд оюун ухаанаа нэгтгэж энэ талаар дорвитой дуугармаар байна. Үндэснийхээ утга соёл, дэлхийн уран зохиолыг уншиж мэдрэхгүй харанхуй үе өсөж өндийж байна шүү, та минь ээ. Уран сайхны сэтгэлгээгүй, гоо сайхны мэдрэмжгүй, хагас зэрэмдэг хэл, бичигтэй ийм улс байх юм бол тусгаар тогтнол орших уу? Монгол бичиг, соёлыг уландаа дэвсэх гэсэн гадны харгис хүчний гар хөл бологчдын сүүдрийг байтугай сүнсийг нь ч монгол нутагт байлгамааргүй байна. Өнөөдөр энэ хурлыг Үндэсний номын сангийн захирал Г.Аким дэмжиж зохион байгуулсанд талархах хэрэгтэй. Хойшид хэл, соёлынхоо төлөө Акимын хэмжээнд бус академийн цараанд хийх ёстой юм. Төрийн хэлний зөвлөл гэж байдаг юм гэсэн. Хаа байнаа, тэр зөвлөл. Төрийн хэл гэх нь зөв үү, Улсын хэл гэх нь зөв юм уу, дээр нь бичгийг нэмбэл яасан юм бэ? Манай улс төрчид гэсэн томчуулыг та нар мэдэж байгаа. Монгол хэлээрээ ярьж байгаа хүн цөөхөн байгаа нь даанч эмгэнэлтэй.

Ардын уран зохиолч Ш.Сүрэнжав: - Монголчууд бид уламжлал соёлоо устгаж байж санаа амрах улс юм. Бидний ярьснаас илүү Баасан авгайн донгосох үнэтэй болсон цаг юм даа, даанч. Дээхнэ үед Б.Ринчен, Ц.Дамдинсүрэн, Ж.Бадраа гээд их мэргэд маань буруу ярьсан зүйлийг хэлээд засч залруулаад болоод байсан. Аюулыг хамгаалах яам гэдгийг Аюулаас хамгаалах гээд залруулж байлаа. Одоо монголоор яриад ойлгохоо больцгоож. Нэр хүндтэй бараа гэхийг бренд гэж байж л ойлгодог болцгоож. Энэ нийгмийн сэтгэлгээний өвчнийг засъя. УИХ-ын чуулган дээр осолгүй л монголоор яриад байгаа мөртлөө юу хэлэх гээд байгаа нь ойлгогдохгүй байх юм. Морь үргэж байгаа юм шиг “тээ, тээ”, миний гэсэн үгийг “надын” гэж ярьдаг хүмүүс олширч байна. Юу гэсэн үг вэ, та минь. Нэртэйгээр нь чиний гэхийг “чадын” гэх нь байна л даа.

Төрийн шагналт зохиолч Д.Гармаа: - Сая ирэхдээ гудамжны зарлал харж байхад “Сайхан мебелээр гангарцгаая, Тавилгадъя”, “Өег мебель аваарай” гээд биччихсэн байх юм. Гадаадын хүн л бол юугаа ч тавьж туухад бэлэн хүмүүс хэл, соёлоо ч санаатайгаар егүүтгэж байгаа. Төрийн ихэс дээдсийн олонхи нь газар нутгаа худалдсан нь худлаа гэх үү?

Зохиолч Л.Дашням: - Бид өнөөдөр ний нуугүй хэлэхэд хэлгүй болчихож. Үгийн баялаггүй, санаагаа илэрхийлж чадахгүй, хэлгүй болчихсон хүн аугаа их түүхээсээ, үндэсний уламжлалаасаа хөндийрч эхэллээ. Монголоо алдсан ийм хүмүүс бүх юмыг муу муухайгаар хардаг шиг байна. Ингэж муу муухайгаар хараад ирэхээр эх орноосоо урваж, дүрвэдэг шиг байна. Юм мэдэхгүйн харгайгаар харанхуй бурангуйд дагаар орж, хараат болдог гуниг давтагдсаар байна биш үү? Одооны залуус гоё сайхнаа өөрөөсөө, өмсөж байгаа хувцас, идэж ууж байгаа хүнснээсээ олж харахаас биш сэтгэлийн гоо сайхныг хайхрахаа больжээ. Юу ч уншихгүй хүн оюуны харанхуй гудманд, мухардалд орж байна. Монгол оронд хүн үүссэн. Хүн анх үүссэн нутгийн эзэд юм чинь хүн-соёлоо хадгалах хэрэгтэй байна. 15 мянган жилийн түүхтэй нум, сум олсон мөртлөө зургийг нь л харахаас соёлыг нь ярихгүй байгаа. Иймд хэл, соёлынхоо төлөө сэтгэл зүрхээ зориулах нь чухал.

Доктор Ч.Жачин: - Дунд сургуульд үзэх хичээлээс уран зохиолын цагийг хассаар долоо хоногт ганц цаг л заахаар болж байна шүү, цаана чинь. Зүй нь төрөөс анхаарч “Гэсэр”, “Жангар”, “Монголын нууц товчоо” хэмээх утга соёлын гурван сүмбэр оргилыг хэвлэж айл бүхэнд үнэгүй тараавал сэтгэлгээний тусгаар тогтнолоо бид алдахгүй. Улсын олимпиадуудаас хамгийн ядуу нь монгол хэлний олимпиад байдаг. Энэ бол мөхөл шүү.

Доктор,профессор Д.Хүү: - Үндэсний хэл, бичгийг мохоож, мөхөөх бодлого явагдаад байгаа нь нууц биш. Хэл нь мөхөнгүүт түүхийн тавцангаас устаж арчигдсан эмгэнэлт түүхтэй улс дэлхийд олон.

Ардын уран зохиолч Т.Галсан: - Хэрвээ бид бичиг үсэггүй, соёлгүй байсансан бол бусад улс үндэстэнд мухар сохор сүсэгтний ёсоор мөргөх ёстой. Ри багш, Чой багш нар монгол үгийн санг хоёр сая дөрвөн бум гаруй гэж багцаалсан нь бий. Нэг ийм онигоо гарсан байна. УИХ-ын гишүүд яагаад 76 байдаг вэ? 76 үгтэй учраас 76 гишүүн байдаг гэж. Газар нутгаа гадныханд сэндийлүүллээ гэж хэвлэлд бичээд байдаг. Алтыг нь авсан ч газар нь үлдэнэ. Харин хэл мөхвөл яах вэ гэдгийг үг-эрдэнийн дайчид болсон зохиолчид бид бодох цаг болсон. Монголчууд үр хүүхдээ сүүн шүд ургахад ээжийнх нь бүүвэй аялсан эх хэлийг нь, ясан шүд ургаад яс угсаагаа мэддэг болоод ирэхэд нь харь хэл заалгадаг байж. БСШУЯ-нд монгол хэлний мэргэжилтэй ганц ч хүн байхгүй гэдэгтэй мөрийцсөн ч болно. Яамны сайд гэдэг томилогддог, хоёр жил болоод, дөрвөн жил суугаад явчихдаг малгай л байдаг юм. Монгол хэл, бичиг, соёлоо устгах охор бодолтонгууд одоо ч байгаа. Монгол хэлээ мэдэхгүй байж болох ч ээжийнхээ ариун цагаан ангир уургийг алах хор гэвэл ямар сонсогдох билээ.

Соёлын гавьяат зүтгэлтэн Г.Мэнд-Ооёо: - Галсан гуай шиг монгол бичиг, соёлынхоо төлөө ясаа цайтал тэмцэх, Г.Аким гуай шиг монгол сайхан найруулгаараа үлгэр жишээ үзүүлэх нь зохиолч, яруу найрагчдын нийгмийн үүрэг.

Г.Аким: -Он гарсаар монгол хэл, бичиг, соёлын талаар нэлээд олон уулзалт боллоо. Зохиолчдын энэ уулзалт ес дэх нь болж байгаагаараа бэлгэшээлтэй. Дунд сургуулийн хичээлийн хөтөлбөрт монгол бичиг, уран зохиолын хоёр хичээлийг нэгтгээд долоо хоногт ганц цаг оруулах юм гэв үү? Уран зохиол, уран сайхны сэтгэлгээ үгүйгээр бие хүн төлөвшихгүйг төр засаг, Гэгээрлийн яамныхан маань ойлгоосой билээ. Зурагтын сурвалжлагч хөдөөний малчнаас: - Хаваржилт сайхан явагдаж байна уу гэхээр нөгөөх нь сандраад: - Хаваржилт сайхан явагдаж байна гэх юм. Мэндээ хүртэл мэдэж чадахаа больж байгаагийн жишээ энэ. Мөхөх хэлний тоонд монгол хэл орчихоод байгааг дэлхийд нэртэй судлаачид гаргасан. Даяарших үйл явц дунд Монгол Улсын орших, эс орших нь хэл, бичигтэй минь салшгүй холбоотой шүү. Гадаадын өндөр хөгжилтэй улс орнуудад хүүхдийг 12 нас хүртэл гадаад хэл заадаггүй. Манайхан зургаан нас хүрэв үү, үгүй юу гадаад хэл сургана гээд байх юм. Израйлчууд мянган жил хаясан бичгээ 1947 онд буцаагаад авсан. Бичиг хуучирдаггүйн жишээ энэ. Бид бичгээ хаяад 50 жил боллоо. Одоо монгол бичгээ авахад буруудах юмгүй гэдгийг дээдсүүд мэдээсэй.

Эл хуралд үг хэлсэн зохиолчдоос гадна Төрийн шагналт зохиолч Ц.Доржготов, Д.Батбаяр, зохиолч И.Цэрэнжамц, Ц.Түмэнбаяр, П.Баярсайхан, “Болор цом”-ын эзэн А.Эрдэнэ-Очир, яруу найрагч М.Баттөмөр, П.Батхуяг нар оролцсон юм.

Л.Батцэнгэл

Өнөөдөрийн сонин

Хуулуулсан эх сурвалж: http://www.uukhai.com/archives/180

Үндэсний үйлдвэрлэл хөгжөөсэй.

2009-03-24T00:52:00.000-07:00

Манайх дийлэнх юм аа гадаадаас авдаг. Тэр хэрээр гадны хараат байна гэсэн үг.
Саяхан эмийн сан орж, хүүхдэдээ усан эм авсан чинь үнэ нь нэмэгдчихэж. Би ч дургүйцэнгүйгээр бинзен нэмэгдээгүй шүү дээ, яагаад өсчихөв өө? гэсэн чинь эмийг хийдэг бүтээгдэхүүний үнэ нэмэгдсэн гэнэ. Тэр нь яагаад нэмэгдчихэв гээд лавшруулбал, Хятдадаа нэмэгдчихсэн юмыг бид яаж мэдэх билээ? гэнэ ээ. Арай дэндүү юм аа.

Би нэг сайхан мөнгөтэй бол сайхан үйлдвэрүүд байгуулах сан. Манай баян гээд байдаг хүмүүс нь архи, спиртний үйлдвэр байгуулж, баар цэнгээний газар ажиллуулж, гадаадаас бараа оруулж ирж гадныханд ашиг оруулах, энд тэнд газар ухахаас өөр хэрэгцээтэй зүйлд хөрөнгө оруулчихгүй л юм даа.

Монголын Түүхийн Музей

2009-03-23T00:57:00.000-07:00

Амралтын өдрөөр Монголын Түүхийн Музейг үзлээ. Бас л хэдэн шүүмж хэлэхээс.
- Гэрэлтүүлэг зарим газраа маш муу. үзмэрийн өмнө очоод зогсчихоор харанхуйлаад олигтой харагдахгүй.
- Тайлбар муу. Зарим үзмэрүүд ямар ч тайлбаргүй байсан. Юу ч гэдгийг нь мэдээгүй. Ямар хөтөч байх биш. Зарим нь учиргүй англи хэлээр байх юм.
- Тайлбар нь дэндүү хол. Томоохон үзмэрүүд наанаа тор эсвэл шилэн хаалттай байсан. Тэдгээрийн тайлбар нь тээр цаана болохоор жижгээр бичсэн нь уншигдахгүй, мөн дээрээс нь гэрэлтүүлэг муу болохоор хэцүү байсан.
- Үзмэрүүдийн уялдаа холбоо дутмаг. Загас, хоёр нутагтны тасаг дотор шувуу явж байсан гэх мэт. Нөгөө үсэг дотор тоо явж байна гэдэг шиг.
- Цэвэр байдал дутмаг. Шилэн хорго доторхоо цэвэрлэдэггүй юм шиг байсан. Модны мөчрүүдийг цагаан хөвөнгөөр ороож, цасыг төсөөлүүлэх гэсэн боловч тэрэн дээр нь бөөн тоос болчихсон их үзэмжгүй харагдаж байна лээ.
- Техник хэрэгсэл ажиллагаагүй. Тахийн өрөөн дотор Dell компьютер байрлуулсан байсан боловч тэр нь унтраастай байсан. Бодвол үзүүлэн л байсан байх.
- Хөрөнгө мөнгө хүрдэггүй бололтой. Хоёр ч газар хандивын хайрцаг байрлуулсан байна лээ. Үзэж байгаа хүн үнэхээр өрөвдөөд, хандив өгвөл өгчихье гэмээр л байсан.
- Санал хүсэлтийн дэвтэр байхгүй. Энд бичсэн зүйлээ бичью гэж санаж байтал чадаагүй.

Тэгэхдээ чадлаараа ажиллуулж байгаа ажилчдад нь баярлалаа гэж хэлье.
Үзэж байгаа хүн ч олон байсан. Та ч бас үзээд тасалбарынхаа хэмжээгээр хөрөнгө оруулаарай. Өөрөө ч монголынхоо мэддэггүй байсан зүйлийг мэдээд гарна гэж итгэнэм.
Мөн монголчууддаа хэлэхэд, монголоороо л ярья л даа. Ленок, ленок гээд л байсан чинь тэр загасыг монголоор Зэвэг гэдэг юм байна лээ. Өөр юу ч билээ, сэлэнгэд явж байхад гадаад нэртэй загасууд л яриад байсан. Тэр бүгд монгол нэртэй л юм байна лээ шүү дээ.

DjVu файлыг хэрхэн унших вэ?

2009-03-22T23:25:00.000-07:00

DjVu файлын өргөтгөл нь PDF-тэй төстэй, шахалт сайн зураг бүхий баримт бичгийн тогтнол юм. Сүүлийн үед энэ тогтнол их хэрэглэгдэх болсон ба өмнөх бичлэг дэх файл маань ийм тогтнолтой билээ.

Та http://djvu.sourceforge.net/ хаягаар орж өөрийн системд тохирох програмуудыг татаж аваарай. Мөн илүү дэлгэрэнгүй мэдээллүүдийг ч харж болно.

Дэлхийн 100 хүн: Чингис хаан

2009-03-22T23:08:00.000-07:00

Орос хэл дээр дараах баримтыг олсноо та бүхэнтэй хуваалцаж байна.
Татах: Хэлтэрхий 1, Хэлтэрхий 2

Монгол хэзээ хөгжих бол?

2009-03-22T19:34:00.000-07:00

Өчигдөр далдаганаж яваад (уул нь хальт нийгмийн идэвх гаргая гэсэн бодолтой байлаа) хорооны ИТХ-д оролцчихов.
Сүүлээр очсон болохоор дунд сургуулийн заалны үүд хавьцаа зогслоо. Сургуулийн заалыг дүүргэж байна гэхээр идэвхтэй л иргэд байх шиг байсан.
Гэвч урд гарч ярьж байгаа хүмүүс өөрийн амаар яриад, тэр нь хамгийн ард зогсож байгаа мань мэтийн хүмүүст юу ч сонсогдохгүй байлаа. Хэсэг хугацааны дараа нэг цагаан хоолой авч ирэв. арай дээрдсэн боловч, түүнийг хэрэглэхэд бас их учиртай байдаг юм шиг байна лээ. Нэг хүн өөрийгөө ерөөсөө сонсгож чадаагүй.
ИТХ-ын дарга, ИТХ-ын тэргүүлэгч гишүүд гэсэн хүмүүс нэр дэвшээд сонгох үйл явдал болох байлаа. Сонгох, сонгогдох эрх нээлттэй гэсэн байдлаар цугласан дундаасаа шууд сонгоод, нэр дэвшиж байгаа нь өөрсдийгөө танилцуулаад явчихдаг юм байна. Ихэнх хүмүүс өөрсдөө нэр дэвшинэ гэсэн зорилготой зангиа зүүж, хаанахын ч бүү мэд тэмдэг зүүж ирсэн байсан. Үсээ ч олигтой самначихаж чадахгүй нэг ах (гудамж хэрсэн гашуун юм хайсан хүмүүс байдаг даа) нэр дэвшээд... Өөрсдийгөө хэзээ, хаана төрсөн, ямар сургууль төгссөн, юу хийж байснаа яриад, мөрийн хөтөлбөр аятай хэдхээн ингэнэ, тэгнэ гэж яриад, дээрээс нь цөөхөн асуултад хариулаад л тэр хүнийг сонгочихно гэж байна шүү дээ. Надад бол хамар хашааны ах, хуучин байсан хүмүүсээс өөр бусдыг нь таних ч үгүй юм байна лээ. Анхны харцаар л итгэл хүлээлгэх хүнээ сонгох юм гэнэ ээ. За тэгээд хүмүүс яриад дуусаж байхад өсгөгч оруулж ирдэг юм даа. За тэгээд санал хураалт гэх мэтчилэн бүх юм зохион байгуулалтгүй, шал дургүй хүрээд гараад ирсэээн. Ямар нэгэн үр бүтээлтэй байх гэж найдаж гурван цаг байсныг яана. Яах гэж очив оо, гэж өөрийгөө жаал зүхэв. Надаас хойш шөнийн 12 цагт тэр нь дуусаж, бүтэн найман цаг хүмүүс байсан байгаа юм шүү. Күэ мөн идэвх ээ.

Таны автомашины албан татварын хэмжээ

2009-03-19T00:46:00.000-07:00

Техникийн улсын үзлэгээр автомашины албан татварыг дайж авдаг .
Хэрэв та өөрийн машины татварын хэмжээг мэдэхгүй байгаа бол
"МОНГОЛ УЛСЫН АВТОТЭЭВРИЙН БОЛОН ӨӨРӨӨ ЯВАГЧ ХЭРЭГСЛИЙН АЛБАН ТАТВАРЫН ХУУЛЬ"-ийн 5-р зүйлд заасан болно.

Үзлэгт орох гээд очиход чинь үүдээр нь баахан хүмүүс суугаад татварын хэмжээг чинь тооцоолж өгнө, даатгалд хамруулна гээд дайрчихдаг. Тэдгээр хүмүүсийн хэрэг огт байхгүй гэдгийг хэлмээр байна. Татварын хэмжээгээ та өөрөө бодоод, өөрөө банкинд тушаачих. Тушаасан баримтаа татварт өгөөд болчихно. Даатгалын хувьд даатгуулах эсэх нь таны эрх бөгөөд сайн судалж байгаад шийдэх хэрэгтэй.

1498cc хөдөлгүүрийн татварын хэмжээг тооцоолбол 2000-аас бага тул 1сс-г 16₮-өөр бодно.
1498см3 * 16₮ = 23968₮ болно.

2500см3 * 18₮ = 45000₮ гэх мэт.

Уурхайд ажиллая.

2009-03-16T04:53:00.000-07:00

Бага байхдаа digger хэмээх тоглоомоор анх компьютер гэгчтэй танилцаж байлаа гэж.
Тэгэхэд хэсэг нүдэж байгаад, тоглоом маань техникээсээ хоцрогдоод больсон. Ангидаа хамгийн их оноог нь авна. Шуудайтай алтны эгц доороос нь мангасыг араасаа элдүүлж явж байгаад, мангасыг шуудайтай алтаар даруулах техникийг их хэрэглэдэг байлаа. Хальт томров. Дараа нь windig гээд Windows дээр тоглох боломжтой хувилбар нь гарахад баахан нүдсэн сэн.

Одоо ч гэсэн та тоглох боломжтой байгаа юм байна шүү. Вэб сайт http://www.digger.org/index.html руу нь зочлоод үзнэ биз.
Анх 1983 онд гарснаасаа хойш, одоо DOS, Unix, Mac OSX, Windows, Java гээд олон төрлийн системүүд дээр тоглох боломжтой болж, хэд хэдэн удаа дахин код бичигджээ. Мөн гар утсан дээр ч боломжтой болсон байна.
Бас ирээдүйд гурван хэмжээст болгохоор төлөвлөгдсөн ажээ.

Энэхүү тоглоом маань GNU GPL зөвшөөрлийн дор нээлттэй эх болжээ. Хориод жилийн хугацаанд чамгүй их түүхтэй болсон гоё тоглоом доо.

Суумо мандтугай!

2009-03-16T02:30:00.000-07:00

Амралтын өдөр зав гарвал, хааяа зурагт хараад хэвтэх ч аятайхан л байдаг юм.
Манай зурагт дөрөвхөн сувагтай. Гурав нь сумог шууд дамжуулдаг. Лаг байгаа биз. Үлдсэн нь ертөнцийн эзэн гээд балайрч гарна. Би нэг юм уйдахгүй үзээд сууж болох юм. Өө, үгүй, сумогоос уйдчихсан юм байна шүү дээ.
Тэгэхээр би, эхнэр, хүүхдүүд маань яах болж байна аа.
Хэдүүлээ хашаандаа гарч утаа амьсгалья гэх үү?
Тэнгис орж кино үзэх үү? Хямралтай байхад чинь больё оо.
Хөх хулганы орон орж хүүхдүүд ээ тоглуулах уу? Тэр чинь нил хөлс үнэртээд тэнэг л юм байна лээ шүү дээ.
Зайсан явья. Бурхан багш харахын төлөө бинзен гарздахгүй ээ.

Санаа авахуулсан бичлэг: http://stormy.blog.gogo.mn/entry/ff808081200c2a1801200e428734007c/

Тасалдал бүжиг

2009-03-12T02:08:00.000-07:00

Үнэхээр шилдэг гэхээс...

Загвараа өөрчлөв.

2009-03-11T01:52:00.000-07:00

Ухнадаж байж вэб тэмдэглэлийнхээ загварыг өөрчиллөө.

Хэлний хvчирхийлэл /цуврал нийтлэл/

2009-03-10T00:09:00.000-07:00

Нэг. Заяамал хэлний заяа

Хэл заяасан учраас хүн төрөлхтөн хорвоогийн хамгийн их ухаантан болж улмаар хүн төрөлхтөн гэдэг агуу их хамтлагт нэгдэж дэлхийг эзэгнэн өдгөө сансарт тэмүүлж байгаа билээ. Хүмүүс хэлтэйн ачаар бие биенээ ойлголцож, эрдэм ухаанаа хөгжүүлж, өв соёлоо бүтээж, өнгөрсөн одоо ирээдүйгээ холбож чадсан ажээ. Өнөөдрийн хүн төрөлхтөн 7000 орчим хэлээр ярьж, бичиж, ойлголцож байна. Тэрнээс ч дутахгүй олон хэл мөхөж бас бие биедээ уусч, нэг хэсэг нь эзнээ алдсан түүхийн урт замыг хүн төрөлхтөн туулжээ. Гэхдээ өвөг эртний хэл цөөхөн байжээ. Түүний үгийн сан нь ч мөн л цөөхөн байсан ажээ. Тэрцөөхөн нь хэлний хөгжлиин дагуу, хүний танин мэдэхийн хүрээ тэлэхийн хамтаар үгнээс үг үүсч төлжсөөр олширсоор буй ажээ. Өвөг хэлний өвөг үгийг зуугийн тоонд багтахаар байсныг судалсан эрдэмтэн Свадеш "зуун үгийн онол" дэвшүүлжээ. Зуун үгтэнгүүд зуун мянган үгтэн болох үйл явц олон оныг дамжин үргэлжилж одоо ч дуусаагүй байна. Зуун үгийн өвөг хэлнүүдийн нэгэн нь монгол хэл байсан, одоо ч байсаар ахуй нь хөх толбот монголчууд бидний үндэсний бахархал юмаа.

Гэвч үндэстэн мөхдөг шиг хэл бас мөхдөг буюу "эзнээ алддаг", үндэстэн өөр үндэстэнд уусдаг шиг хэл бас өөр хэлэнд уусан эрлийзждэг бичигдээгүй хууль бий. Ганц зуун жил өнгөрөхөд одоо хэлцэгдэж буй хэлнүүдийн 90 хувь нь үгүй болно гэдэг урьдач дүгнэлтийг Америкийн эрдэмтэн Бернард Комри гаргажээ. Америкийн нөхцөлд энэ нь үнэнд тун ойрхондүгнэлт юм. Учир нь угаасаа америк хэл гэж байгаагүй. Англи хэлний нэгэн хувилбараар л америкчууд ярьж бичдэг. Өнгөрсөн зууны эхээр (1902-1904) анх хэвлэгдсэн "Американа" гэдэг нэвтэрхий 16 боть тольд 60 мянган өгүүлэл (1918 оны хэвлэлд) орсон ажээ. Харин хойт, өмнөд Америкийн баруун эргийн дагуу аль дивангараас оршин суусан уугуул иргэдийн ихэнх нь өвөг монгол хэлний нэгэн хувилбараар ярьж бичдэг бөгөөд анх тэр тивийг нээсэн гэх европын жуулчид энэтхэг гэж андуураад "инди", "индейчүүд" гэж нэрлэснээр индейчүүдийн хэлнүүдийн олонхи нь одоо американизмд шахагдан хэрэгцээнээс гарчээ. Уул нь хэл мөхнө гэдэг ойлголт эргэлзээтэй л дээ.

Хэрэв бичиг үсэгтэй байсан бол хэл мөхдөггүй зөвхөн хэрэгцээнээс гардаг буюу гээгддэг. Америкийн инга буюу индейчүүд дотор "ингэ", "инга", "ингэд" гэдэг овог байсан учир тэднийг ингэдүүд гэж нэрлэж байвал арай монголжуу болох юмсанж. Бүүр энгийнээр хэлбэл "инга" гэж нэрлүүштэй билээ. Ингэдүүдийг Гватемала, Мексик, Эквадор, Перу, Аргентин зэрэг орноор явж байх үед зүс царайг нь харж, хэл яриаг нь сонсож, зарим зан заншлыг нь үзсэн болохоор аргагүй тэд бидний садан төрөл мөн гэж таньсан билээ. Тэр тухайд замын тэмдэглэлүүддээ тодорхой бичсэн тул нурших юун. (Бүтээлийн чуулган, ҮII ботид буй). Америкийн хүн амын 15 хувь нь "монголжуу" арьстан гэж нэвтэрхий тольд бичигдсэн нь гол төлөв ингэдүүдээс бүрдсэн тул тэд өвөг монгол хэлний 100 үгийг шошоон, тэлэнгэд, аймар, хэцүү гэхчилэн хориод овгийнхон өнөө хүртэл хадгалсаар, хэрэглэсээр буй гэж хэлж бүрэн болно.

Монгол гал голомтыг сахиж байдаг өнөөгийн Монгол ард улсын иргэд бидний мартаж, гээсэн өвөг үгнүүд ч ингэдүүдийн амнаас унаж байхыг сонсож билээ. Ингэдүүд Америкт "бага ястан" гэгдэж зах хязгаар нутагт шахагдан суудаг хавчигдмал хувь заяаныхаа эрхээр хэл яриа нь хаягдаж, гээгдэх аюул нүүрлэсэн гэж болно. Харин тийм аюул огтхон ч тулгараагүй Монгол ард улсад монгол хэл мөхөх байтугай хамгийн хүчтэй хегжиж байх учиртай билээ. Гэтэл өнөөгийн манай нөхцөл байдалд монгол хэл хүчирхийлэлд автагдаж, эрлийзжиж, зэрэмдэглэгдэж байгаа нь нэг л мэдеэн, магадгүй 50 жилийн дараа "төрөл арилжих", "гээгдэн орхигдох" тавилантай тулгарч мэдэх юм. Монгол Улсын Ерөнхийлөгчийн санаачлага, ивээлээр хэсэг эрдэмтний боловсруулж, Улсын Их хурлаар батлагдсан (2008 онд) "Монгол Улсын Мянганы хөгжлийн зорилтод суурилсан үндэсний хөгжлийн цогц бодлого" гэдэг баримт бичигт "2015 онд багтаан англи хэлийг бүх нийтийн голлох гадаад хэл болгох", "2021 он гэхэдтөрийн захиргааны төв байгууллагын ажилтнууд албан ажлаа англи хэлээр явуулах чадамжтай болгох" гэж тус тус заажээ.

Үүнээс үзвэл зургаан жилийн дараа англи хэл манайд "бүх нийтийн голлох гадаад хэл" болох юм байна. Бүх нийтийн гэдэгт хамрагдахгүй хүн байх ёсгүй биз. Бас 11 жилийн дараа манай төрийн захиргааны төв байгууллагын ажилтнууд нь албан ажлаа англи хэлээр явуулах юм байна. Тэгэхээр өнөөх монгол хэл маань чухам юунд, хэнд хэрэглэгдэх нь тодорхойгүй болж хоцрох бизээ. 1921 оноос 1991 оныг хүртэл далан жилийн турш орос хэлийг монголчуудын "голлох гадаад хэл" болгохоор умард херш маань "их зүтгэл" гаргасан боловч бичиг үсгийг нь л кирилжин буюу орос цагаан толгойгоор сольсноос цааш нэг их хэтэрч чадаагүй, БНМАУ-ын төрийн албан хаагчид монгол хэлээрээ албан ажлаа явуулж, үр хүүхдэдээ монгол хэлээрээ ерөнхий болон дээд боловсрол олгосоор ирсэн билээ. Бичиг үсэг солигдсон ч эх хэлээ сольдоггүй монголчууд урьдын түүхэндээ цөөнгүй бичиг үсэг зохиох, зээлдэх аргаар хэрэглэж явсан ч "чихнү чимэг болсон аялгуу сайхан монгол хэлнээсээ" урваагүй юм.

Тэгэхээр тав, арван жилийн дотор бүх нийтээр англи хэлтэй болж, төрийн албаа англиар явуулах тэр зөгнөл хэр зэрэг бодит үндэстэй бол? Нийслэл Улаанбаатарын гудамжны хаяг, самбарууд шигхэлний "хүчирхийлэл" гааруулбал чухам хэр зэрэг ахиц гарах бол? Олон улсын хэл болгох гэж тэмүүлсэн үндэстэн өөрийнхөө хэл ч үгүй, хүний хэл ч үгүй болж байсан түүх хүн төрөлхтөнд бий. Эрт цагт гэрээг хэл, латин хэл дундад зуунд, франц хэл XҮIII зуунд, англи хэл XX зуунд олон улсын хэл болохоор ихэд түгэж байсан ч гэсэн түрүүчээсээ орхигдон мартагдсаар (латин хэл шиг) байгаа нь бас нэгийг хэлж буй үзэгдэл гэлтэй. Францчуудын өвөг дээдсийн хэл байсан галь хэл, этрүс хэл "эзнээ алдсан" шиг бретон, баск болон бургунди нутгийн аялгуу, норманди аялга үгүй болж тэр бүхнээс эрлийзжсэн франц хэл (француудын өөрийнх нь төрөлх хэл биш) арван наймдугаар зуунд Европт давамгайлан өрнөж Оросын сэхээтнүүдийн хоёр дахь хэл нь болж байгаад хорьдугаар зууны сүүлчээсханш нь буурч эхэлсэн.

Гэтэл Африк тивд одоо 1700 хэл, аялгуугаар ярьдаг хүмүүс аж төрж буйн дотор бикья хэлээр ганц авгай ярьж үлдсэн нь 87 настай ажээ. Амазонка мөрний ширэнгэд аж төрдөг хүмүүс 120 хэлээр ярьдаг бөгөөд тэдгээрийг өнөө хэр судалсан хүнгүй байх жишээтэй. Хэл гэдэг хачин хувь тавилантай үзэгдэл гэдэг нь ийнхүү захаас аван баримтаар нотлогдож байдаг. Харин ямарваа хүн юуны урьд заяамал төрөлх хэлтэй (эхээс төрж хэлд орохдоо сурсан) бас сурмал буюу олдмол хэлтэй байж болдог. Гэхдээ заяамал хэл анхдагч бөгөөд түүгээрээ дамжуулан олдмол хэлтэй болдог. Олдмол хэл хэчнээнийг ч "олж" сурч болно. Заяамал хэл үө залгамжлах, удамшлын бичлэгтэйн хувьд хүнээс яавч гээгддэггүй. Саяхан нэгэн залуу эр харийн орны олон хэл сураад эх орондоо эргэж иржээ. Өрнөдийн орны бараг л бүгдийнх нь хэлийг сураад ирсэн. Тэгээд ус цас шиг ярьдаг бичдэг байж. Тэгтэл гай тохиолдож осолд ороод эмнэлэгт хэвтэж эдгэрээд ажилдаа орсон чинь олдмол бүх хэлээ мартаад ганц монгол хэлтэйгээ үлдсэн байжээ.

Ус цас шиг ярьдаг гадаад хэлнүүдээсээ нэг ч үг санахгүй болсон байж гэнэ. Заяамал хэл нь харин хэвэндээ үлджээ. Тэгэхээр заяамал хэлээ "хуучинсаг" хэмээн ад үзэж олдмол хэлээр гайхуулдаг зарим залуус, бас улстөрчид "хэлний түрэмгийлэл" хийхэд тэргүүн эгнээнд жагсдагт эргэлзээгүй. "Хэлний түрэмгийлэл" манай нөхцөлд дороосоо биш дээрээсээ эхэлдэг болсоор зуугаад жил өнгөрч байна. Хорин нэгдүгээр зуунд энэхүү "language үiolence" төр, засгийн тогтоол, шийдвэр, хуулиар дамжин хийгдэж эхлээд байна. Сүүлийн хорь шахам жилд эрх баригчид, эрх барих байгуул-лагуудын гаргасан албан шийдвэр, тогтоол тэр ч байтугай зарлигуудад монгол хэлэнд нь дүймэн (дүйз) байсаар атал харь хэлний үг оруулан хүмүүст хүчээр "цээжлүүлэх" хандлага улам гаарсаар байна. "Лиценз", "лизинг", "моргейж", "аудит", "менежер", "бонд", "брокер" гэхчилэн харь хэлний нэр томъёо чихээстэй баримт бичгүүд дээрээсээ доош хөвөрсөөр байгаа нь монгол хэлийг баяжуулахад биш бантагнуулахад нэмэр болсоор удлаа.

"Аудитын хууль" гэхчилэн гадаад нэртэй хууль, түүний дагуу буй болсон байгууллага ажиллаж тэр нь хүмүүсийн ой тойнд буухгүй хөндий үг хэвээрээ цаг хугацааг элээсээр байна. "Хэлний түрэмгийлэл" манайдаа шинэ юм биш. Өнгөрсөн зууны хориод оноос эхлээд орос үгээр түрий барих түрэмгийлэл өрнөсөн. Түүнээс өмнөх 300 жилд манж, нанхиад, түвд үгийн түрэмгийлэл байнга үргэлжилж байсан. Манжийн эрхшээлд байсан юм болохоор түшмэдүүд манж, нанхиад үгсийг төрийн ажлын хүрээнд нэвтрүүлэх гол зүтгэлтнүүд нь болж өгсөн. Харин түвд үгийг лам хуврагууд голчлон түгээж байлаа. Хорьдугаар зууны эхнээс Орост болсон хувьсгалын нөлөөгөөр орос нэр томъёо монгол хэлэнд нэвчиж эхэлсэн Октябрь гэдэг үг бараг хамгийн түрүүнд орж ирсэн хэрэг. Түүний хойноос феодал, винтов, наган, танк, тэгээд социализм, коммунизм, арми, совет, союздараа нь пионер, лекц, телефон, машина, больниц, танец, артель, комун, физик гэхчилэн цөөн бус үг шууд нэвтрэн орж ирэхэд нь тийм зүйл урьд нь байгаагүй, бас хэрхэн монголчлохоо бодож цэгнэх завдалгүй мэдлэггүй гэхчилэн олон шалтгаанаар харь үгнүүд хаалтгүй орж ирээд нэлээд нь енеег хүртэл ам дамжсаар байна.

Тэр ч байтугай монгол хүнийөгүүлэх эрхтэн, авиа гаргах онцлогт нь байхгүй ф, щ, п, р, к зэрэг үегээр (авиа) эхэлсэн үгнүүд (феодал, физик, фабрик, контор, кабин, радио, роль, редактор) олноороо монгол "ам руу орж, гарахаас" аргагүй болсон. Тэдгээрийг бичих гэхнээ нь бас яг тийм үсэг ly босоо бичигт маань байсангүй. Харин ард түмэн еөрийнхөөрөө шийдэж сигнал гэдгийг нь чагнаал, конденсатр гэдгийг нь ганжинсаатар, помпа гэдгийг бомбоо, домократ гэдгийг нь данхраат хэмээн монголчилж бас тэгэхдээ цаад утгыг нь нэг их гажаахгүйгээр шийдэл олсон үг цөөнгүй болсон байна. Аливаа хэл өөрөө баяжиж, өрөөл бусдаас өргөж авч хөгжиж, үгийн сангаа өргөтгөдөг нь жам. Гэхдээ шахамдуулах, хүч түрэх хэлбэрээр хэлээ баяжуулах нь ядарсан арга, явуургүй оролдлого болох нь түүхээр нотлогдсон баримт юм. Бас харийн хэлний үг болгоныг "орчуулах" нутагшуулах нь ч өрөөсгөл талтай хандлага болно.

Ард түмний саналаар биш албан тушаалын эрхшээлээр бусдын шахалт, "зөвлөмжөөр" төр засгийн эрх баригчид гэв гэнэт монгол бичгээ кирилжингээр солихоор дээрээс шийдэж "бүх нийтэд" (цогцолбор бодлогын нэр томъёогоор) хэрэглүүлэх болсон цагаас хойш орчин үеийн монгол хэл огг хөгжөөгүй биш бараг л эрс шийдэмгий хөгжсөн гэж хэлж болно. Үүнийг нотлоход урт яриа үүсэх нь мэдээж. Тиймээс зөвхөн цагаан толгойн 35 үегийн тухайд товчхон тоймлоод хэлэхэд тэдгээрээс лав л тав зургаан үсэг нь монгол хэлэнд хэрэг болсонгүй явсаар нэгэн зууныг үдэв. Жишээ нь, "ташаа тулсан" гэж манайхны шоглон ярьдаг "ф" үегээр монголчууд өнгөрсөн жилүүдэд нэг ч үг "зохиосонгүй", "Монгол-орос толь"-д (А.Лувсандэндэв, 1957 он) энэ үегээр ердөө л 38 үг орсон нь цөмөөрөө гадаадынх юм. Бас эшча гэж манайхны дууддаг "щ" үсэг уг тольд байгааг үзвэл мөн л нэг ч монгол үг алга.

Тэрчлэн "к" үсэг дээр 102 үг байгаа ч гэсэн бас л нэг ч монгол үг байдаггүй. Нөгөө "Р" үсэг дээр 36 үг орсон ч гэсэн руу, рүү гэсэн дагавраас өөр монгол гэмээр юм байдаггүй. Тэрчлэн "П" үсэг дээр болохоор их л олон үг буюу 114 үг байгаа ч цөмөөрөө орос, хятад, түвд хэлнээс авсан харь гаралтай үгнүүд байхын дээр "пад, пил" гэсэн дуу чимээний нэрнээс өөр монгол юм байдаггүй. Бас нөгөөх "хагас и" гэж тайлбар төдий нэртэй үсгээр таван гадаад үг эхлүүлсэн нь цөмөөрөө л йод (ёод) гэдэг үгнээс үүссэн үгнүүд байх ажээ. Монгол хэлэнд хэрэглэгддэггүй, монгол хүний дуун үйлдэх эрхтэнд зохидоггүй ийм үсэгнүүд монгол хэлний "цагаан толгойд" орчихсон олон жил "цогиулж" явахдаа тэдгээрээр эхэлсэн гадаад үгнүүдийг монгол хэлний үгийн санд хүчээр түрэмгийлэн оруулах "үүрэг гүйцэтгэсээр" байгаа нь заяамал хэлэнд маань олдмол хачир нааж, улмаар "эрлийзжүүлэх" балаг тарьсаар ажээ.

Доктор Л.Түдэв
Дугаар 042

Хуульж тавьсан эх сурвалж: www.olloo.mn

Би үсэглэж уншиж сурч байгаа хүүхэд

2009-03-08T23:32:00.000-07:00

Сүүлийн үед хэн хүнгүй л криллээр бичдэг болжээ. Сайхан л байна.
Гэвч хааяа латинаар галиглаж бичсэнтэй тааралдана. Тэр үед би чинь галиг үсгээ мартчихаад үсэглэж уншихын дайтай болдог болжээ. Уг нь нэг мөсөн мартчихвал амар л байх сан даа.

HOVON ODOJ гэвэл Хөвөн одож,
Dulmandakh гэвэл Дөлмандах гэж байгаа юм байна лээ шүү!

Буриад зураачийн 52 зургууд

2009-03-07T02:59:00.001-08:00

Доржийн Зоригт:

Бүх зургийг эндээс татаад аваарай.

Хятдын олон улсын радио

2009-03-06T22:24:00.000-08:00

Юм хайж яваад ийм сайт оллоо.
http://mongol.cri.cn/ - Хятдын олон улсын радиогийн Монгол хэл дээрх вэб хуудас.
Сонирхоод үзчихгүй юу.
Цааш яваад http://mongol.cri.cn/chinaabc/ хуудас руу ороод үзээрэй. Хятдын тухай зарим мэдээллийг Монгол хэл дээрээ харж болох юм.
Хятдад дургүй л бол тэднийг судалж бай гэдэг дээ.

Цонхууд ИксПи-д зориулсан Үбүнтү-ийн загвар

2009-02-18T23:56:00.000-08:00

Мөнхбаатарын хүсэлтийг бичлэг болгоод оруулж байна.
Үбүнтүгийн шүтэн бишрэгч боловч Цонхууд дээр ажиллах шаардлага гардаг бол
үүнийг сонирхоод татаад суулгаж үзээрэй.

Миний блог танд 24 цагаар үйлчилнэ.

2009-02-18T00:33:00.000-08:00

Цагаан сар болох гээд Улаабаатар хот битүү түгжрээ. Хүрлээгийн хэлснээр л болоод байх шиг.
Нарантуул зах нь байг гэхэд дулаахан дэлгүүр, захууд 24 цагаар ажиллачихвал би шөнө нь гүйгээд юм аа цуглуулчихна аа.

Шашинт төр

2009-02-17T23:54:00.000-08:00

Энэ хоёр ерөөсөө салахгүй юм аа.
- Энд тэнд хайрхан савдаг тахина. Төрийн тахилга юм болохоор ерөнхийлөгч байх нь зүй. Тэгээд л лам нар ном уншиж байгаа харагдах юм. Уул шугамандаа үүнийг бөөгийн ёсоор хийдэг байсан юм шүү дээ. Тэр үед бөөгийн шашин шүтдэг байсан ба төр нь бөө шүтдэг байсан гэсэн үг.
- Цагаан сарын шинийн нэгэн. Монголын Бурхан Шашинтны Төвд шинийн нэгний ном хурдаг гэж байгаа. Тэнд төрийн гурван өндөрлөг очсон байгаа харагддаг. Уул шугамандаа цагаан сарыг шарын шашин орж ирэхээс өмнө хийдэг л байсан юм шүү дээ.
За тэгтэл христ эсвэл лалын шашинтан манай улсын тэргүүнээр сонгогдсон байг. Тэр хүн маань овоо тахихдаа өөрийн шашнаа дагуулж очих, шинийн нэгэнд өөрийн шашны тэргүүн дээрээ очиж байвал яах вэ? Ихэнх монголчууд маань дургүйцэх юм байгаа биз дээ.

Миний бичсэнтэй санал нийлэхгүй, эсвэл ойлгомжгүй зүйл бичсэн бол өршөөж үзээрэй.

Хулхидуулах вий? Болгоомжтой!

2009-02-16T07:44:00.000-08:00

Интернэтээс хайлт хийхэд, үр дүнд гарч ирсэн нэг вэб сайт учиргүй вирус энэ тэр шалгаад баахан юм оллоо болоод явчихав аа.
Хэрэв Internet Explorer ашиглаж байгаад ийм юмтай учирвал гэнэдэж магадгүй шүү.

Та Windows XP-ээ хэзээ суулгасан бэ?

2009-02-16T07:25:00.000-08:00

Та энэ хэрэгслээр Цонхууд ИксПи-ээ хэзээ суулгасан аа харж болох юм байна.
http://www.systemtools.com/cgi-bin/download.pl?WinInfo Жижигхэн, үнэгүй.

Миний ажлынх:Бараг хоёр жил болох гэж байгаа юм байна шүү дээ. Анх компьютертэй болохдоо Win98 ашигладаг байлаа. Тэгэхэд бөөн сонирхол бараг долоо хоног бүр дахиж суулгадаг байв. Дараа нь Me, 2000, тэгээд XP. Одоо бол хэрэглэж сурсан юм байх даа, суулгаад удчихсан байна шүү. Ойрноос дахиж суулгаж сайхан янзлая гэж бодоод л байгаа. Тэгэхгүй бол програмууд суухгүй, зарим нь ажиллах гэж их уддаг болсон байгаа. Нэг мөсөн гүрийгээд бүтэн хоёр жил болгодог ч юм уу? Энэ хугацаанд хичнээн ч програм суулгаж, буцаав даа. Буцаагаагүй ч зөндөө програм байна. Заримыг нь ашигладаг эсэх ээ ч би өөрөө мэдэхгүй шахам болжээ.

Таны дараагийн аяллын хавсралт зорилго

2009-02-15T19:45:00.000-08:00

Энэ сайт руу ороод харна уу.
http://www.confluence.org/country.php?id=134
GPS-ээр өргөрөг, уртрагийн огтлолцол дээр очсоноо баталгаажуулсан байна.
Надад их сонирхолтой санагдлаа. Аяллынхаа чиглэлээс жаахан хазайгаад, цэг хайж гүйгээд л. Уул хадаар авирах, усанд сэлэх гээд л янз бүрийн адал явдал шүү дээ. Өөр хүмүүсийг бүртгүүлэхээс өмнө та амжаарай. GPS-ийнхээ зургийг авахаа мартуузай. Заавал Монгол гэлтгүй аль ч улсын, аль ч далайн огтлолцол байж болно.

Куба улс өөрийн Линукс тархацыг гаргажээ.

2009-02-13T04:26:00.000-08:00

Нова хэмээн нэрлэсэн линуксийн Куба хувилбарыг гаргажээ.
Энэ нь "технологийн тусгаар" байдлыг хангах зорилготой юм гэнэ.
http://www.reuters.com/article/technologyNews/idUSTRE51A77S20090211

Хайран утас

2009-02-10T05:11:00.000-08:00

Ингэж сорьж байхаар надад өгчихгүй.

Цагаан сар болох гээд л...

2009-02-06T23:13:00.000-08:00

Нэг хэсэг нь үндэсний үйлдвэрлэлээ дэмжье гэж сурталчлах...
Нөгөө хэсэг нь ерөөсөө л гадаадын бүтээгдэхүүнийг бараг тахин шүтэх янзтай эндээс ч оруулж ирсэн, тэндээс ч авчирсан гэх...
Бүүр арабаас гоо сайхны бараа оруулж ирж байна гэх юм. Тэдний эмэгтэйчүүд чинь хар нинжа болчихсон явж байдаг биз дээ. Гоо сайхандаа анхаардаг л юм байх даа. Хар хөшигний цаана хөөрхөн царай... Хи хи

Дээхэн үед чинь хэвийн боов, ёотонтой өгдөг байсан гэсэн шүү дээ. Манай өвөө хэдэн зуун боов хийдэг ч байсан гэлээ дээ байз, хэд хоногийн л юм болдог байсан гэсэн. Иймэрхүү бэлгийг нийтээрээ ёс болгож Талх Чихэрийн Янзага цайны жигнэмгийг өгчихдөг бол амар аа.

Өгсөн хүн ширэн нүүрлэж, авсан хүн гараад хаалганых нь үүдэнд хаячихдаг хужаа хог, нүүрээ улайлгахгүйг хичээсэн нь байдгаа шавхаж байдаг, орж ирчихээд заавал юм авч байж гарна гэдэг шуналтангууд, мөнгөөр золгож, тэрнийх нь хариуд цаашаа хийсэн Хар Чингис ээ гаргаж ирэх... ээ дээ энэ цагаан сар уу? Энэ мэт зарим хүнд нь хар санагддаг байх даа.

Kingstone хулхи

2009-02-02T02:45:00.000-08:00

Та бүхэн Kingstone-ийн DataTraveler флэш дискийг бүү аваарай. Үнэн хулхи.
Файл зөөгөөд өөр газар очихоор файлын нэр шал өөр болчихно, файлууд алга болно, эсвэл эвдрэлтэй гэх мэт хачин зан гаргаад хүн баллаж байна аа. Зөвхөн надад биш өөр хүмүүст тохиолдоод буй зүйл болохоор бүү эргэлзээрэй. Тэгэхдээ 2 ба түүнээс дээш ГБ хэмжээтэй нь л тэгээд байх шиг байна лээ шүү.

Үбүнтү ханын цаас

2009-01-27T05:38:00.000-08:00

Үзэх :)

MNS 5552 : 2005 үндэсний стандарт

2009-01-25T21:08:00.001-08:00

Дэлхийн олон улс үндэстний бичиг үсгийг компьютерийн орчинд тэмдэглэх үсэг ба тэмдэгтийн кодчиллын нэгдсэн кодын системийг ЮНИКОД (UNIСODE) консерциум хэмээх олон улсын байгууллага, Олон улсын стандартын байгууллага болон Олон улсын цахилгаан техникийн комиссаас зөвшилцөн боловсруулсан ISO/IEC 10646 (Universal Character Set) стандартыг үндэслэн, 1991 оноос хөгжүүлж ирсэн.
Манайд мөрдөж байсан “Монгол хэлний компьютерийн орчны тогтолцоо” ангилалд хамаарах үндэсний стандартууд нь 1 байтын ASCII стандартад үндэслэсэн ба энэ нь Win 1251 /Western Europian/ кодын хуудсанд хамаардаг тул Юникодын 2 бит тэмдэгт рүү 00ХХ кодоор хөрвүүлдэг бөгөөд кирилл тэмдэгтүүд нь 04ХХ кодтой тул Монгол кирилл үсгийн оронд үл таних тэмдэгтүүд тавигдах тохиолдол байдаг. Иймд кирилл үсгийн кодын асуудал сүүлийн арав орчим жилийн хугацаанд зөвхөн программ хангамжийн төдийгүй манай орны үндэсний хэл бичгийг компьютерээр боловсруулахад шийдвэрлэвэл зохих томоохон асуудал болж байлаа. Энэ асуудлыг шийдвэрлэх зорилгоор Мэдээлэл, Харилцаа Холбоо Технологийн Газраас санаачлан, олон улсад хүлээн зөвшөөрөгдсөн нэгдсэн кодыг үндэсний стандартаар батлуулж, мөрдөх санал гаргасан юм.

Иймд Монгол улсын Засгийн газраас Мэдээлэл, холбооны технологийн талаар дэвшүүлсэн хөтөлбөр, зорилтод стандартчиллын үйл ажиллагаагаар дэмжлэг үзүүлэх, тус салбарын үндэсний стандартыг олон улсын жишигт нийцүүлэх зорилгоор Стандартчилал, Хэмжилзүйн Үндэсний Зөвлөлөөс “Монгол хэлний компьютерийн орчны тогтолцоо. Кирилл ба монгол үсгийн нэгдсэн код” MNS 5552 : 2005 үндэсний стандартыг батлаад байна.
Уг стандарт нь Монгол улсын хэмжээнд захиргаа, худалдаа, үйлдвэрлэл, үйлчилгээний баримт бичгийг үйлдэх, мэдээллийн сан байгуулахад заавал дагаж мөрдөх кирилл, монгол үсгийн нэгдсэн кодыг тогтоосон бөгөөд түүний хавсралт нь үндсэн латин үсгийн нэгдсэн кодыг агуулж байна.

Батлагдсан MNS 5552 : 2005 үндэсний стандарт нь
1) ISO/IEC 10646-1:1993(E), Universal Multiple-Octet Coded Character Set (UCS);
2) Нэгдсэн кодын стандартын 3.0 хувилбар, Юникод консорциум, 2000; зэрэг норматив техникийн баримт бичгүүдэд бүрэн нийцэж байгаа болно.

Энэ стандартыг мөрдсөнөөр бидэнд өнөөдөр түгээмэл тохиолддог кирилл бичгийн олон янзын кодыг хэрэглэж байгаагаас үүсдэг зөрчилтэй байдлыг шийдвэрлэх юм.

MNS 5552 : 2005 стандартыг төв, орон нутгийн төрийн захиргааны бүх шатны байгууллагуудад нэвтрүүлэх нь мэдээллийн нэгдмэл байдлыг хангахад чухал ач холбогдолтой юм.

МЭДЭЭЛЭЛ, ХАРИЛЦАА ХОЛБОО, ТЕХНОЛОГИЙН ГАЗАР

МОНГОЛ КИРИЛЛ ҮСГИЙН НЭГДМЭЛ БАЙДЛЫГ БИЙ БОЛГОХ НЬ

Өнөөдрийг хүртэл компьютерийн орчинд бид олон төрлийн code page ашиглан хийсэн янз бүрийн гарын драйверийг ашиглан бичдэг байлаа. Энэ нь сүүлдээ мэдээллийн нэгдмэл орчин бүрдүүлэх, өөр хоорондоо ямарч хөрвүүлэлтгүйгээр мэдээлэл солилцоход бэрхшээл учруулж байна. Энэ нь харилцан солилцсон документ маань хэнд ч ойлгомжгүй тэмдэгтүүд, дөрвөлжин дүрс гардгийг хэлээд байгаа юм. Одоо энэ асуудалд цэг тавих цаг нь аль хэдийн болжээ.

Анх 2000 онд нөгөө 2 шоовдор “ө”, “ү” үсэг маань ЮНИКОД (UNIСODE) консерциум хэмээх олон улсын байгууллагаас гаргасан үсэг ба тэмдэгтийн кодчиллын нэгдсэн кодын системд орсноор дэлхийд данстай болсон юм. Үүнээс хойш Windows XP дээр ямар нэг асуудалгүйгээр шинэ, албан ёсны олон улсын стандартын дагуу бичих бүрэн боломж нээгдсэн. Гэвч цөөхөн тооны хэрэглэгчид л уг стандартыг хэрэглэж байна. Монгол Улсын Засгийн газрын үйл ажиллагааны хөтөлбөрт тусгагдсан “Улс орны хэмжээнд нэгдмэл кодчлолыг бий болгосноор мэдээллийн нэгдсэн системийг бүрдүүлнэ” гэсэн зорилтын хүрээнд МХХТГ санаачлан уг олон улсын стандартаас латин, кирилл болон уйгаржин монгол үсгийг түүвэрлэн авч үндэсний стандарт болгон батлуулаад байна. Иймд компьютерийн орчинд документ үүсгэн ашигладаг хэн бүхэн юникодыг хэрэглэх нь зүйтэй юм. Энэ нь бидний үсгийн фонд arial, times new roman, courier, courier new зэрэг фонд идэвхтэй байх үед монгол үсгүүд хэвийн дүрслэгдэхийг хэлж буй.
Манай төрийн захиргааны байгууллагууд ихэнхдээ Windows XP бүхий хэрэглэгчид байгаа тул юникодыг хэрэглэхэд ямарч хүндрэлгүй. Гагцхүү урьд arial mon, times new roman mon, courier new mon зэрэг фонд дээр бичсэн документийг хөрвүүлж ашиглах л шаардлага тулгарч байгаа бөгөөд энд монгол текстийн кодчлолыг хөрвүүлэгч “Mongolian Encoding Converter MONUNI” гэсэн нэр бүхий макро байхад л хангалттай. Энэ нь Microsoft Office-ийн нэмэлт комманд хэлбэрээр ажилладаг. Энэхүү хөрвүүлэгч нь 8 битийн MNS 4329, MNS 4330 стандартын кодчлолтой текстийг 16 битийн юникод кодчилол руу хөрвүүлнэ. Уг хөрвүүлэгчийг ашиглан бүх төрлийн текст, MS Office-ийн файлууд, html, rtf, мэдээллийн сангийн гэх мэт файлуудыг юникод руу шилжүүлэх бүрэн боломжтой.

Н. Баасандорж

Вирусын эсрэг аль ч програм 100% хамгаалалттай биш!

2009-01-20T02:45:00.000-08:00

Манай байгууллага Kaspersky худалдаж авсан талаар өмнө өгүүлж байсан. Гэвч ажлынхны цөөнгүй компьютерүүд вирустэж цэвэрлэгээ хийлгэсэн. Өмнө нь интернэтээр хамаагүй тэнэдэггүй, flash диск шургуулдаггүй байсан юм. Тэдгээр хүмүүс маань хамгийн найдвартай Kaspersky-г суулгасан гэсэн ойлголт аваад, гэнэ алдаж болгоомжгүй хандсан юм шиг байгаа юм.
Та доорх холбоосуудаас вирусын эсрэг програмуудын онцлогийг харна уу.
http://xtreview.com/addcomment-id-4349-view-Antivirus-2008-chart.html
http://www.virusbtn.com/news/2008/09_02

Монгол хэл маань баялаг муутай.

2009-01-19T22:18:00.000-08:00

Хэд хоногийн өмнө нэгэн ФМ сонслоо л доо. Хөтлөгч нь гэх залуу учиргүй англи хэлтэй юм байх. Гурван өгүүлбэр хэлэхийн тулд зургаан гадаад үг (тухайн үедээ тэгж тоолсон) хэрэглэчих юм. Би ч гадаад хэлэндээ муу болохоороо зарим үгийг нь мартаж орхиж, тэдгээр үгсээс санаж буйгаа дурдвал: коовер, фаворитт, сийнгэл, альбом зэрэг юм. Энэ мэтчилэн сэглэж ярьдаг хүнтэй олон л тааралдах юм. Уг нь тэдгээр үгсийг монголоороо хэлж яагаад болдоггүй юм бол? Ядаж, монголоор хэлэхэд, сонсож буй монгол этгээд нь ойлгож чаддаг үгүүдийг гадаадаар хэлээд баймааргүй байна. Дээрх жишээнд бол фаворитт гэдэг үг. "Тэр дуучны хамгийн дуртай дуу нь энэ юм." гээд хэлэх ёстой. Бүр хоёр хүн хоорондоо ярьж байгаа ч биш, хэвлэл, мэдээллийнхэн ийм байх ёсгүй баймаар сан. Тэд нарт хяналт тавьдаг болов уу? эсвэл хөтлөгч, бичигч байхын тулд монгол хэлний шаардлага тавьж эрх олгодог болов уу?
Эсвэл ерөөсөө Б. Ренчин гуай монгол хэл их баялагтай гэж оросын эрдэмтэнтэй маргалдаж дийлж байсан гэдэг нь худлаа байх аа. Монгол хэл баялаг муутай ба гадаад үгийг тэр чигээр нь оруулж хэрэглэх ёстой юм шиг байна.

За за энэ талаар өмнө нь ч бас бичиж л байлаа:
http://ebayaraa.blogspot.com/2007/06/blog-post.html

Буддист найрагчдын наадам

2009-01-07T21:37:00.000-08:00

Болор цом 2008 наадам болоод өндөрлөв. Бавуугийн Лхагвасүрэнгийн Хасар түрүүлэв. Олон найрагчид зөндөө сайхан бүтээлүүдээрээ оролцсон байх. Амарсайхан ахын байнга бичдэг ямааны тухай Бадарч гуай Ямаа бүтээлдээ тусгасан байна лээ.
За, сүүлийн жилүүдэд түрүүлсэн найрагчид Янжилхам бурхан өгдөг болсон. Янжинлхам бурхан нь Бурхан багшийн нэгэн дүр гэдэг. Бурхан багш нь Будда шашных билээ. Тэгэхээр Будда шүтдэггүй хүнд энэ нь үнэ цэнэгүй шагнал болж таарч байна. Эсвэл шашин шүтдэггүй, бусад шашныхан нь оролцдоггүй юм болов уу? Л. Хасар дахиад хоёр удаа түрүүлбэл нийт гурван Янжинлхамтай болно. Ханандаа гурвын гурван Янжинлхам залах уу? Харсан хүмүүс нь ийм ханын цаас байдаг юм байх даа гэж бодох байх даа. Бүр цаашлаад хэнээтвэл, Монгол Улсын Үндсэн Хуулийн Хоёрдугаар бүлгийн
14-2-т: Хүнийг үндэс, угсаа, хэл, арьсны өнгө, нас, хүйс, нийгмийн гарал, байдал, хөрөнгө чинээ, эрхэлсэн ажил, албан тушаал, шашин шүтлэг, үзэл бодол, боловсролоор нь ялгаварлан гадуурхаж үл болно.Хүн бүр эрх зүйн этгээд байна.
16-15-т: шашин шүтэх, эс шүтэх эрх чөлөөтэй;
гэсэн заалтуудыг зөрчсөн гэж байгаа юм. Уг нь хэл, зохиолын хүмүүс чинь үг, хэллэгний аль сайн зохицлыг бодож, буруу зөвийг нь тунгааж байдаг улс юм сан. Бурхныг бүсэлхийнээс доош гаргадаггүй, уруу харуулдаггүй, олон хөдөлгөөд байдаггүй гэх мэт цээрүүд байдаг сан. Ингэж уралдааны бай болоод явах нь зөв үү, буруу юу?

Ерөөсөө би урлагт авьяасгүй хүн, авьяастай болохын тулд яг ийм Янжинлхам бурхан залчихья. Харин та нар намайг Болор цомд түрүүлсэн гэж бодуузай.

Жич: Энэ бол зөвхөн миний бодол. Бибээр Будда шашны талд байдаг хүн. Өөрөөр хэлбэл Будда-г үгүйсгэж бусад шашныг өмөөрөх гэсэнгүй.

Office 2007-ийн файлыг нээх

2009-01-06T22:42:00.000-08:00

Манайхан програм худалдаад авч чадахгүй байж Office 2007 ашигладаг болж.
Компьютер янзлуулна аа, тэгэхдээ заавал Office 2007 суулгуулна гэх. Тэгэхээр нь би асууна аа, Office 2007-ийн давуу тал юу вэ? гэж. Хариулт нь "Харагдах байдал (interface) гоё болсон". Яс юман дээр ихэнхэд нь Wordpad байхад л хангалттай байдаг байхгүй юу.
Байсхийгээд л хэн нэгэн энд, тэндээс, би 2003-тай 2007 дээр хийсэн файлыг яаж нээх вэ? эсвэл би 2007-той 2003-тай компьютерт яаж нээх вэ? гээд л ажлын өрөөнд, утас руу, гэрт, мессенжерт ороод ирнэ. Хариулт нь 2003-аа 2007 болгох, 2007-оосоо хувилбарыг нь бууруулж хадгалах. Хэрэв ийм боломж байхгүй эсвэл 2007-д дургүй бол:
Ийшээ ороод үз, болохоор бол татаад суулга даа. Үүнийг ашиглаад нээж үзэхэд асуудал бараг гарахгүй бололтой. Харин засвар хийгээд хадгалахад зарим зүйл дээр хүндрэл гарч болзошгүй гэсэн шүү.

Ориг юм ориг л байдаг юм байна гэдэг шиг...

2008-11-18T18:17:00.000-08:00

Өнөөдөр Cisco-ийн курс хичээл оллоо . Интернэт хөтөч дээр ажилладаг юм.
Тэгсэн чинь Flash нь ердөө болдоггүй шүү. Flash дээр хийгдсэн юмных нь товчнууд нь ажиллахгүй, мөн маш жижиг гараад байлаа л даа. Сонин юм аа. Өчигдөр л өөр компьютер дээр ажиллаж байсан юм даа гээд гайхав. Нээрэн тэр компьютер интернэтэд холбогдоогүй байсан болохоор Flash player-ийг flash дискээр аваачиж суулгаснаа санав. Ингээд л асуудал шийдэгдэв. Та бүхэн Firefox-ийн flash player нэмэгдлийг автоматаар, өөрөөр нь татаж суулгалгүй, Adobe-ийн сайтаас нь татаад, гараар суулгачихад гэмгүй л юм байна лээ.
56К модемоор хоёрхон минут татаад, суулгахад хэдхэн л секунд болно, үнэгүй.
http://get.adobe.com/flashplayer/

Энэ Касперскы бас дэндүү шалгалт хийх юм аа. "Firefox" гэдэг програм "Таны интернэт хөтчийг удирдах гээд байна" гэх маягийн анхааруулга өгөөд, хэрхэхийг асуугаад байх юм. Уул нь Firefox өөрийгөө удирдаад юу хийх ээ мэдэж байгаа байлгүй дээ.

Саалиа бэлдэхээр саваа бэлд!

2008-11-16T19:28:00.000-08:00

Баяр сайд тэргүүтэн Атрын 3 гээчийг эхлүүлэв. Хүү багатай зээлүүд олгогдов. Шинэ тоног төхөөрөмж, техник хэрэгслүүд, технологи орж ирэв. Тариалан эрхлэгчид идэвхтэй оролцов. Зурагтын риаалитий шоуу ч хийгдэв. Хур бороо элбэгтэй, өгөөжтэй зун байлаа. Үр дүн нь амжилттай сайн гарав. Ургац арвин авав. Баяр хүргэе ээ!!!
Гэвч битгий горьд, баярлах болоогүй байна... Юууу? Яаввв? Ийввв?
Ургуулаад, хураасан буудай нь борлогдохгүй байна гэнэ ээ. Засгийн газар зуун мянган тонныг л авна. Нөгөө гурилын үйлдвэрүүд, спиртийн үйлдвэрүүд нь аваад ханачихсан юм байх даа.
Борлогдохгүй байгаагаа яах вэ? Ирэх жилийн тариалалтад үр болгож нөөцлөх үү? Бэлэн мөнгө хэрэгтэй байна шүү дээ. Заавал борлуулна даа. Эсвэл гадаад руу експортлох уу? Ааая? Дотоодын хэрэгцээгээ хангаад гадаад руу гаргана, айн.

Дотооддоо тариа тарих ёстой гэж Баяр айлдав
Дараа нь яах аа шийдээгүй бол битгий тэнэгт.
гэх юм уу, хаашаа юм бэ?

Windows-оос Linux рүү шилжсээр...

2008-10-14T02:39:00.000-07:00

Манай байгууллага Оракль бүхий өгөгдлийн сангийн хоёр сервэрээ Windows 2003 server-ээс RHEL (Redhat Enterprise Linux) рүү шилжүүлээд үр дүн маш сайтай байгаа шүү. Windows-той байхад бараг өдөр бүр "restart" хийж гацаанаас салдаг байсан бол одоо байнгын ажиллагаатайгаар хэдэн ч сар болохоор болсон буюу хааяа юм суулгах гэх мэт шаардлагаар л унтрааж, асааж байгаа. Магадгүй Windows дээр тохируулж чадахгүй ч байсан байж магадгүй л дээ. Мөн яг одоо нэг ширхэг сервэрийг Application server (HTTP) байдлаар ашиглахаар RHEL суулгаад туршаад, юм хийгээд байж байна. Яагаад RHEL вэ гэж үү? Ердөө л Oracle-ийн certified үйлдлийн системийн нэг нь болохоор тэр.
Бас нэг ширхэг Sun Solaris (үйлдлийн систем нь ч, оракль нь ч, техник нь ч эртний эд байгаа юм) бүхий өгөгдлийн сангийн сервэрийг RHEL болгох гээд програмаа шинэчилж байна.
Цаашид Windows-аас Linux рүү шилжүүлэхээр төлөвлөж байгаа сервэрүүд бол FTP болон dial-up-ын сервэрүүд байгаа. Энэ хоёр дээр Ubuntu суулгая гэж бодож байгаа ч бүгдийг нь адил систем болговол амар байх гэсэн асуудал гараад байгаа л даа. Аа бас File server гэж нэг юм бий. Түүнийг бодохоос ч залхуу хүрмээр үнэн эмх замбараагүй эд. Тийм болохоор тэр нь хэвээрээ байж л байг. :)
Саяхан Kaspersky-ийн 200ш клиентийн лиценз худалдаж авав. Ирэх жил бас төдий хэмжээний зардлыг вирусын эсрэг програмд зарцуулах байх даа. Үүнээс улбаалаад манай дарга ажилчдын компьютер дээр линүкс суулгасан нь ашигтай юм байна гэсэн санааг дэвшүүлж байсан. Хэрэв шилжүүлэх бол онцгой програм ашигладаг нөхдийнхийг үлдээгээд бусдыг нь шилжүүлчихэд болохоор байгаа л даа. Учир нь манай дотоодын програм Вэб хандалттай болчих юм.

Монголын сайтууд AdSense-д

2008-10-09T18:51:00.000-07:00

Манай сайтууд сүүлийн үед Google-ийн AdSense-д сурталчилгаагаа оруулдаг болжээ.
Жишээлбэл:

Ач холбогдол өгч байгаа нь энэ биз ээ.

Хэрэв Windows Монгол бичгээр бол:

2008-10-09T08:23:00.000-07:00

Монголынхоо ханын цаасыг татаад аваарай.

2008-10-09T08:18:00.000-07:00

National Geographic дээр их гоё зураг байж байх юм:
http://science.nationalgeographic.com/science/wallpaper/mongolian-steppe.html

Одоо үеийн цалингийн систем

2008-10-01T22:30:00.000-07:00

Нэг иймэрхүү томъёолол оруулбал яаж байна.
{1л АИ92 бинзений үнэ} * {Таны үнэлгээ} = {Таны цалин} гэж...
Хэрэв танын үнэлгээ 250 ба АИ92 бинзений 1л-ийн үнэ 1230₮ байх үед таны цалин:
1230₮ * 250 = 307500₮
Харин өнөөдрийн хувьд:
1655₮ * 250 = 413750₮ болох юм байна.

Хөдөлмөрийн хөлсний доод ханш 110000₮ ба энэ нь бинзен 1230₮ байх үед гэвэл, хөдөлмөрийн хөлсний доод үнэлгээ 89,5 болж байна. Тиймээс өнөөдрийн хөдөлмөрийн хөлсний доод хэмжээ бол 148122.5₮ байх ёстой ажээ.

Тэгэхдээ яг хэрэгжүүлэх гэвэл ингэж шууд хамааруулж болохгүй л дээ. Арай өөр тооцоолол явах нь мэдээж юм.

Ингэвэл хачин юм болно доо. Ха ха.

Yahoo гэж бөөн SPAM

2008-09-24T21:36:00.000-07:00

Надад ийм их захиа ирсэн байна гэнэ дээ. Gmail гарснаас хойш yahoo-ийн захиаг ашиглахаа байсаан. Хааяа орж хоосолдог байсан юм. Харин сүүлийн сар оролгүй байж байгаад орж харсан чинь ийм болж.
Y.Messenger 9.0 нь Монголын unicode-оор бичдэг болсон гэхээр нь суулгаж үзлээ л дээ. Тэгсэн нөгөө л нэг танд захиа ирлээ гэдэг нь гарч ирээд байхаар нь л орсон нь тэр. Монголоороо бичихийн тулд Pidgin ашигладаг байлаа.
Жинхэнэ Spam нь нэмэгдэхгүй мөртлөө зүгээр хайрцаг нь л нэмэгдээд байх юм даа. Энэ yahoo spam-ын шүүж чаддаг нөхөр үү? үгүй юу?

MSN, Google-ийн эсрэг, Рэп тулаан

2008-09-22T04:48:00.000-07:00

iPhone - Шинэ амжилт

2008-09-04T19:25:00.000-07:00

iPhone эхний ба 3G-тэйгээ нийлээд найман сая ширхэг борлогдсоноор шинэ амжилт тогтоогоод байгаа юм байна. Энэ нь найман сарын сүүлийн байдлаарх ба 3G нь 5,6 сая, эхний хувилбар нь 2,4 сая ширхэг утас энэ онд зарагдсан аж. Мөн Apple-ийхэн энэ оныг дуустал 10 саяд хүргэнэ гэжээ.

Газар хөдөлсөн байна шүү дээ.

2008-08-26T21:02:00.000-07:00

Өглөө ажилдаа ирчихээд сууж байтал нэг л сонин юм болсон юм аа. Миний сандал дэнчигнээд байдаг. Гайхасхийгээд л би чичрээд байгаа юм уу ч гэж бодох шиг, газар хөдөлж байгаа юм болов уу гээд ажихад үгүй ч юм шиг юмс хөдлөхгүй байх шиг байсан л даа. Тэгсэн чинь энд, тэнд хүмүүс газар хөдөллөө гэхээр нь л сая учрыг нь ойлголоо шүү. Нөгөө муу хэврэг гээд байдаг шинэ байшингууд нь зүгээр л байгаа даа?

Монгол улс алтан медалынхаа тоогоор 9-т

2008-08-19T18:55:00.000-07:00

Ингэж байвал та итгэх үү?
Энэ бол одоогийн байдлаар бодит тоо шүү!
Медалын тоог нь хүн амд харьцуулахад манайх ийм дээгүүрт жагсаж байна даа. Тэгэхэд хужаа 40, америк 28, орос 32, энэтхэг 46-т жагсжээ. Манайхан цөөхөн ч гэсэн чанартай, чадварлаг хүмүүс буюу 1 монгол хэдэн мянган хужаатай тэнцэж байгаа юм бүү мэд. Бодлого бодохоосоо залхуурав. :) Залхуугүй нэг нь бодоод өгөөрэй.
Үр дүнг та доорх холбоосоос үзнэ үү.
http://www.symworld.com/medals/
Мөн өөр үзүүлэлтээр эрэмбэлж болно шүү. Медалын тоог өдөр, өдөрт нь шинэчлээд явдаг тул хэдэн хоногийн өмнөх мэдээлэл биш шүү!
Дахиад алт авахын төлөө, УУХАЙ!

Алтан медаль!

2008-08-14T19:17:00.000-07:00

Өчигдөр Монгол улс анх удаа алтан медалийг Олимпийн наадмаас авлаа. Түвшинбаяр ба түүний эцэг эхэд баяр хүргэе.
Булганы Сайхан сум гэхээр нь хадам ахад нутгийнх нь хүү түрүүлсэнд, баяр хүргэж зурвас бичсэн чинь өөдөөс ярьж байна аа. Тэгсэн, манай эхнэр Түвшинбаяртай бүлэнцэр болоод явчихдаг байгаа. :) За тэр ч яахав. Угаасаа мэддэггүй л байсан юм чинь.
Манайхан үүнийг далимдуулж дэндүү архидаж байна шүү. Н. Энхбаяр, С. Баяр, Ц. Элбэгдорж нар болимоор юм. Шал согтуу гурван баагий хөтлөлцөн талбай дээр гарч ирээд үг хэлээд байгаа юм. Тэр Баярын согтсоныг ээ. Онигоо, онигоо. Уначихгүйн тулд хөтлөлцөж явсныг манайхан сайхан залруулж, эвтэй байна гээд байгаа юм аа. Тэгэхдээ Элбэгээ гайгүй харагдаж байна лээ. Түвшинбаяр маань сайхан үлгэр болж цаашдын боксчид болон бусад маань алт авах байх аа гэж найдаж байна. Хурай! Хурай! Хурай!
Мөн булган сүүл дагуулсан Гүндэгмаадаа маш их талархах хэрэгтэй. Энэ хүн нөлөөлсөн гэдгийг ч Түвшинбаяр хэлсэн. Тиймд мөнгөн медаль авсан ч Гүндэгмаадаа хөдөлмөрийн баатар өгөөсэй. Олон ч жил олимпод оролцлоо шүү дээ.
Өчигдөр орой чинь баячууд биенээсээ өрсөөд л том, том бэлэг өгөөд байсан. Дараа нь биш өмнө нь өгчих хэрэгтэй байсан юм шүү дээ. Бэлтгэл сайн хийхэд нь бас мөнгө төгрөгний асуудал гардаг л юм шиг байна лээ шүү дээ. Эд материал, байр сууц гээд л... Хэрэв сайн бэлтгэгдсэн бол бүх тамирчид маань ч алт авахыг үгүй гэхгүй. Илүү олон ч тамирчин олимпийн эрх авна биз дээ. Олон тамирчин оролцох тусам амжилт олох магадлал өндөрсөх юм. Тэгээд ч Гүндэгмаагийн буу, сумыг Мөнхбаяр германаас хумслан байж хангасан гэж байна лээ шүү дээ. За ингээд архиа бага, ууж айргаа тааваараа ууцгаая.

"Түвшинбаяртаа болон нийт монголчууддаа баяр хүргэе. Түүнийг эх орондоо ирэх өдөр нэг ч хүн архи, согтууруулах ундаа хэрэглэхгүй байж хүндэтгэл үзүүлцгээе. Урд нь ийм төрлийн хүндэтгэл нэг ч байгаагүй бөгөөд тэр ийм хүндэтгэл авах эрхтэй хүн. Цааш нь дамжуулна уу." Бичиж байхад энэ зурвас ирэхээр нь хуулаад, тавьчихлаа.

Админы нэг өдөр

2008-08-10T03:40:00.000-07:00

OpenOffice.org Монгол хэл дээр албан ёсоор төрлөө.

2008-08-08T04:04:00.000-07:00

Өнөөдөр Нээлттэй Монгол 2008 чуулган болж, би оролцов.
Нойр хоолоо хагаслан байж энэхүү хувилбарыг гаргасан Нээлттэй монгол багийнхандаа баяр хүргэе.
Сурталчилгаа тааруу байсан уу, сонирхол татсангүй юу, хөдөө явчихсан уу яав, хүмүүс санаснаас бага оролцлоо. Гэхдээ ирсэн хүмүүс бүгд нэг л бодолтой буцацгаасан гэж бодож байна. Тэр юу вэ? гэхээр "Хуулиа дээдэлье". Одоо л нээлттэй эхийн талаар шургуу ярих цаг нь нэгэнт болжээ. Учир нь Микрософт эцсийн байдлаар ороод ирвэл маш их мөнгө тийшээ урсана шүү дээ. Зохион байгуулагчдын нэг Ж. Тамирын ярьснаар Микрософт нь манай төрийн байгууллагуудын нэг компьютер дээр виндовс, офис хоёроо нийлүүлээд хоёр зуун тавин долларт суулгана гэсэн. Төрийн байгууллагуудын компьютерийн тоо гучин мянга орчим байдаг сурагтай. 30,000PC*250$=7,500,000$=8,652,375,000₮. Аймар их мөнгө байгаа биз!? Харин үүнийхээ оронд энэ их мөнгөнийхөө жаахан л хэсгээр нь нээлттэй эхийг дэмжээд өгвөл маш их зардал хэмнэнэ шүү дээ. Хэдий эдгээр залуучууд маань сонирхлын дагуу, эх хэл болон өөрийн орноо хайрлах үүднээс хийж байгаа ч маш их урам болно гэж бодож байна. Нуулгүй хэлэхэд хэрэв ингэвэл би идэвхтэй оролцоно. :)

Ингээд орчуулгын төгсгөлийн хэсэгт нь хальт шалгалт хийсэн хүний хувьд ч, Хуулиа дээдэлж, Эх хэл дээрээ програмыг ашиглаж, нэгнийгээ дэмжиж байгаагийнхаа хувьд ч, танд ч бас надтай адил ОпенОпис.орг Монгол хувилбарыг ашиглахыг зөвлөж байна.
Байгууллагууд ч идэвх, санаачлага гаргана гэж найдаж байна. Миний өмнө өгүүлсэн байгууллагаас гадна Хаан банк дөрвөн зуун ширхэг компьютертээ ОпенОпис.орг-ийг суулгаад, ашиглаад эхэлчихсэн гэсэн шүү.

Монголын багийн хаяг: http://mn.openoffice.org
Програмыг татаж авах хаяг: http://mn.openoffice.org/about-downloads.html

Хожил манайх

2008-08-04T21:36:00.000-07:00

Хааяа ажлынхаа хажуугаар жижиг тоглоомууд тоглодог юм.
Өнөөдөр Hearts тоглоод их гоё хожив:

Микрософтын сургаар...

2008-07-17T02:30:00.000-07:00

Миний нэг үйлчлүүлэгч байгууллага маань програмаа Excel-тэй ажилладаг хэсгийг нь Calc руу шилжүүлэх захиалга надад өглөө. Микрософт Монголд орж ирэх нь иймэрхүү байдлаар нөлөөлж эхэлж байна даа. MS Office-ийг бүр мөсөн OpenOffice.org-оор сольж байгаа юм байх. Тэгэхээр нь би үйлдлийн системээ солих уу гэж асуутал худалдаж авсан Dell-ийг дагалдаж ирсэн XP-ээр байлгаж болно гэж байна. Ээ ашгүй. Програмаа тэр чигт нь солих ажил гарахгүй нь дээ.

Танд хэрэг болж магад.

2008-04-28T04:58:00.001-07:00

Монгол улсын төрийн далбаа:
Эндээс татаад аваарай. Хөдөлгөөнт зураг.
http://ebayaraa.googlepages.com/Mongolia.gif

HP, Dell, Lenovo компаниуд өөрсдийн PC-дээ Windows XP-ийг дахин дайх боллоо.

2008-04-27T23:49:00.000-07:00

Хэрэглэгчдийн хүсэлт, шаардлагаар ингэхээр шийджээ. Windows Vista-г гарснаас хойш томоохон үйлдвэрлэгчид Windows XP-г халж Vista-г дагалдуулах болсон. Гэвч олон хүмүүсийн хэрэгцээ шаардлагыг үл хангасан, нөөц их шаарддаг, ашигладаг програмуудтай нь үл нийцдэг гэх асуудлуудаас болж ам муутай байсан билээ.
Lenovo компани 2009 оны нэгдүгээр сарын 31 хүртэл Windows XP -г компьютерүүддээ суурилуулахаар болсон байна. Мэдээж хэрэглэгч хүсвэл Vista руу шилжиж болох гэнэ.
HP компани нь бизнесийн хэрэглэгчдэдээ мөн Windows XP-г өгөх ба хугацаагаар үргэлжлэх юм байна.
Харин Dell компанийн хувьд Windows 7 -г албан ёсоор гарах буюу 2010 он хүртэл Windows XP-г дагалдуулах болжээ.

Ингэснээр Microsoft нь Windows XP -г үргэлжлүүлэн дэмжих бөгөөд Vista нь уналтын байдалд орсон бололтой.

Дашрамд дурдахад Windows XP нь 5.1; Windows Vista нь 6.0 хувилбар билээ.

Quickreport 5

2008-04-22T01:03:00.000-07:00

Delphi дээр хамгийн анх Quickreport дээр тайлан бэлдэж сурж байлаа. Тэр үед 3.0 хувилбар нь байсан. Одоо тавдугаар хувилбар гарсан юм байна. Үүнд нилээд олон шинжүүд нэмэгдсэн ба хамгийн гол нь Unicode дэмждэг болсон нь сайшаалтай.

Quickreport 5 is compatible with QR4 report designs, and existing applications will run without changes. Most of the visible changes affect previewing and exporting reports, with a few new options for band behaviour. Several new controls are introduced, including three that support double-byte characters(Unicode).

Quickreport 5 Pro costs £199 (plus VAT in the EU). Registered version 4 Pro users can upgrade for £50 (plus VAT in the EU).

Invisible changes
Include more defensive handling of network printers, and less interaction with printers and miscellaneous memory leak and logic fixes.

Visible changes

Events to control and customise standard preview.
Allow printing straight from the printer-setup button
Option to set the default extension in preview. For instance PDF instead of QRP.
Copy to clipboard' button on standard preview form.
New property for printables - 'ExportAs' = ( etNumeric, etText, etFormula, etLabel ) for XL.
It is possible to limit the number of pages in the preview, and a 'Cancel' button is added to the standard preview.
Background colour for report.
Childbands can print before, after or before and after their parent

Alternative report viewer
Based on XML format, the new previewer has better rendering and search facilites, and supports drill-down and mouse events.

New controls

Sub-report control, displays a report within a report.
Wild band. Print anytime you want.
Controls with double-byte support, QRMBLabel, QRMBMemo and QRMBDbText.
FrameLines control - extends vertical lines over page breaks.
TQRShape has 2 new shapes, left and right diagonal lines.

Quickreport 5 Currently supported IDEs

Delphi 5, 6, 7, 2006 Win32, 2007 Win32
C++ Builder 5, 6, 2006, 2007

QRDesign Currently supported IDEs

For QR5 - Delphi 7, 2006 Win32, 2007 Win32
For QR4 - Delphi 5, 6, 7, 2005, 2006, 2007

Дэлгэрэнгүйг: https://lists.safetmail.co.uk/t/10301/1455036/1968/0/

Үндэсний үйлдвэрлэлээ дэмжчих юм сан...

2008-04-16T22:15:00.000-07:00

Дэлгүүрт ороход гадаад, дотоодын гэх ижил төрлийн бараа байна аа. Эхлээд сэтгэлээрээ монголыг нь барьж авч байгаа байхгүй юу. Гэвч нэр, зураг, үйлдвэрийн нэр, холбоо барихаас өөр юу ч байхгүй. Яаж хэрэглэх юм бол оо? Ялангуяа лаазалсан бүтээгдэхүүнийг шүү дээ. Шууд, халааж, болгож идэх юм уу? Бүү мэд.
Тавьчихаад гадаадынхыг нь автал хэрэглэх заавар нь монгол хэл дээр байж байх юм.
Тэгэхээр би яах вэ?

За тэгээд цаашаа ярьвал үнэ, чанар, амт гээд олон юм бий.

Windows error

2008-04-16T04:18:00.000-07:00

Ха ха, Windows-ийн алдааны мэдээлэл нь ингэж байна гэнэ шүү:
Problem Event Name: Bluescreen ;)

Баяртай, ANSI.

2008-04-11T05:06:00.000-07:00

Яг ч баяртай биш л дээ.
Тэгэхдээ хамаг л програм, хэрэгслүүд Юникодыг дэмждэг болоод байгаа билээ.
Delphi VCL програмчлалд хамгийн дажгүй, үйлдэл, харагдах байдал сайтай DevExpress багц нэгдэл 2008 оны дунд хавьцаа Юникод дэмждэг болохоор ажиллаж байгаа юм байна.
Хэрвээ энэ нь биелэгдвэл заавал .NET гэлгүйгээр Delphi VCL дээр маш гоё дизайнтай Unicode бүхий програм үйлдэж болох нь ээ.
Эх сурвалж:
http://www.devexpress.com/Home/Announces/Roadmap2008.xml

We are one race, one people.

2008-04-08T23:47:00.000-07:00

Хэрэг болохуйц сайт

2008-03-31T04:39:00.000-07:00

Хэрэв та автомашинтай ба түүнийхээ дугуйг солих гэж байгаа бол http://www.1010tires.com/TireSizeCalculator.asp энэ вэб хуудсаар ороод үзээрэй.
Өөрийнхөө дугуйг өөр хэмжээстэй дугуйгаар өөрчлөхөд хэмжээ нь ямар болох, машинд чинь хэрхэн нөлөөлөх талаар мэдээллийг танд өгнө.
Эсвэл та мэддэг ч байж магадгүй л дээ. Миний хувьд цаасан дээр нэмж, үржүүлж, хувааж бодож байснаас хялбар л байсан шүү.

Хуурч

2008-03-16T21:36:00.000-07:00

Нэгэн гадаад хүн, 1950-иад оны үед Улаанбаатарын гудамжинд авсан зураг:

Энэ юу вэ?

2008-03-16T21:30:00.001-07:00

ккк

Зүгээр л зураг

2008-03-16T21:19:00.000-07:00

Гар утсаараа авсан шүү.
Ноднин найман сард шөнөөр буюу ажлын бус цагаар сервэрүүдээ шинэ өрөө рүү зөөж байхдаа үүрээр авсан зураг:

Гоё зураг

2008-03-16T20:45:00.000-07:00

Хэний, юу гэдэг нэртэйг нь мэдэхгүй ч миний компьютер дээр байж л байдаг зураг байгаа юм. Хэн нэг нь мэдэх аваас хэлж өгөөрэй.
Ингээд нэг давхих юм сааааан ... (санаа алдав.)

Өвөр монголын нэгэн дуу

2008-03-04T23:11:00.000-08:00

Хорьдоймэргэний тэмдэглэл дээрх нэгэн дууг өмнөх бичлэг дэх аргыг ашиглан Imeem.com-оос татаж авсан дуу:
Татах

Imeem.com -оос дуу татах

2008-03-04T23:06:00.000-08:00

Доорх бичлэгээс Imeem.com-оос дуу татахыг мэдэж аваарай.
http://www.youtube.com/watch?v=ZWWfR8mFrAM

Эх орныхоо чулуу бүрийг, эх хэлийхээ үг бүрийг "нүдлэн" хайрлацгаая.

2008-01-17T01:26:00.000-08:00

Төрийн шагналт, Монгол улсын гавьяат багш Монгол улсын их сургуулийн доктор, профессор Шаравын Чоймаатай эх хэл, их соёлын талаар ярилцлаа.

-Үндэсний бичгийнхээ үүсэл хөгжлийн талаар уншигчдад товчхон дурьдвал?
-Монгол бичгийн эх үүдлийн талаар олон орны эрдэмтэд янз бүрийн үзэл санал дэвшүүлсээр ирсэн боловч нэгдмэл ойлголтод хараахан хүрээгүй. Өрнөдийн судлаачдын дунд "Юань улсын судар", "Мэргэн гэгээний Алтан товч" дахь "Тататунга"-гийн домгоор эш үндэс хийж, 13-р зуунд Уйгураас монгол бичгийг зээлдэн авсан хэмээн тайлбарлах чиг хандлага нэг үе байсан боловч үнэнд үл нийцэх нь тодорхой болжээ. Уг мэдээ нь монгол бичгийн гаралтай холбон тайлбарлах бус Чингис хааны зарлигаар төрийн албан ёсны бичиг болгосон түүхэн үйл явдлын гэрч баримт болох нь нотлогдсон. Тийм ч учраас, 2004 онд "Чингис хааны төрийн бичгийн 800 жилийн ойг тэмдэглэх тухай" Монгол улсын ерөнхийлөгчийн зарлиг гарсан. Ер нь аливаа соёлт угсаатан үсэг бичгийн шинэ тогтолцоог буй болгохдоо тухайн цаг үеийнхээ ярианы хэлэнд шүтэн дулдуйдаж, түүгээр тулгуур үндэс хийдэг жамтай.

Үүний адил монгол бичиг анх үүссэн цаг үеийнхээ амьд хэл аялгууг шууд тусган тэмдэглэсэн нь тодорхой . XIII зуунаас уламжлан үлдсэн монгол бичгийн дурсгалын хэл нь нэгэн цаг үед хамаатах дөрвөлжин үсэг болон хятад, араб, перс үсгээр тэмдэглэсэн дундад үеийн монгол хэлний баримт хэрэглэгдэхүүнээс ихээхэн зөрөөтэй, түүнээс хол өмнөх онцлог шинжийг илтгэж байдаг. Хэлний хувьсал өөрчлөлт гэдэг харьцангуй урт удаан хугацаа шаарддаг түүхэн үзэгдэл юм. Энэ бүгдийг харгалзан үзсэний үндсэн дээр монгол бичгийн эх үүдэл нь даруй 1000 жилээс наашгүй хугацааны явдал гэх баримжаа гаргалгааг хийдэг.

-Даяаршлын зуунд аливаа улсын тусгаар тогтнолын баталгаа нь хэл, шашин соёл гэж үздэг. Цөөхөн монголчуудын хувьд хэл соёлоо хэрхэн хамгаалж үлдэх вэ?
-Даяаршил гэдэгт даган баясахаас гадна болгоомжтой хандах зүйл олон бий. Ер нь хүн төрөлхтөн бүхий л зүйлээрээ даяаршина гэвэл дэндүү өрөөсгөл болно. Бид хэлээ мартаж, соёлоо үгүйсгэвэл хэн болох вэ? Хэл соёлоо хамгаална гэдэг хэлний мэргэжилтэй хэдхэн хүнд хамаатай зүйл биш. Гадаад хэлийг сурч, гадаадын соёлоос суралцалгүй яахав. Гагцхүү эх хэл, их соёлоо үгүйсгэнэ гэдэг туурга тусгаар улсын иргэнд байж боломгүй хэрэг. Эх хэлээ сайн эзэмшиж, их соёлоороо бахархан суралцана гэдэг эх орноо хайрлаж тусгаар тогтнолоо хамгаалахад иргэн хүний оруулж буй чухал нэмэр юм шүү. Өнөө цагт эх орныхоо чулуу бүрийг, эх хэлнийхээ үг бүрийг "нүдлэн" хамгаалах цаг ирснийг монгол хүн бүр ухаараасай.

-Худам монгол бичгээр төрийн албан хэргийг хөтлөх болсон тухай Монгол төрийн бодлогыг хэсэг эрдэмтдийн хамт таныг тодорхойлж байсан гэдэг л дээ. Энэхүү хөтөлбөр зорилт хэрхэн хэрэгжиж байгаа вэ?
-"Албан хэргийг монгол бичгээр хөтлөн явуулах болон түүний бэлтгэл ажлыг хангах тухай" 1991 оны тавдугаар сарын 30-ны БНМАУ-ын бага хурлын тогтоолд 1994 оноос улс даяар албан хэргийг монгол бичгээр хөтлөн явуулах заалт орсон байдаг. Түүний мөрөөр олон чухал ажил хийсний нэг нь "Монгол бичгийн үндэсний хөтөлбөр"-ийг боловсруулан, УИХ-аар батлуулсан явдал. Төр засгаас монгол бичгийг түгээн дэлгэрүүлэх, заан сургах үйлсийг дэмжиж ирсэн ч хэрэгжүүлэх шатанд саармагжуулдаг. Монгол бичгээр төрийн хэргийг хөтлөх тухай асуудал хэдэн эрдэмтний сэтгэлийн хөөрлийн төдий зүйл биш.

-Их дээд, дунд сургуулиудад Монгол бичгийн хичээл сургалт ямар түвшинд явагдаж байгаа вэ?
-Монгол бичгийн цаг хэтэрхий бага, багш нарын идэвх зүтгэл сул байна. Их дээд сургуульд монгол бичгийг зааж байгаа боловч жигд биш. Ер нь төрийн бодлогоо хэрэгжүүлэх доод шатны хүмүүс үгүйсгээд байх юм.

-Даяаршлын үед шинжлэх ухаан техникийн хөгжлийг дагаад гадаад хэллэг нэлээд орж ирж байна?
-Энэ нь зүй ёсны хэрэг. Харин хэлний дотоод зүй тогтлоор шинэ үг бүтэх боломж байсаар атал харь үгийг зээлдэн хэрэглэх нь аливаа хэлний дархлаанд сөрөг хандлагатай. Залуус латин үсгээр захиа бичиж харилцаж байгаа нь техник технологийн хэрэгцээ шаардлагаар гарч буй тохиолдлын зүйл. Удахгүй монгол бичгээрээ мессэж бичиж, цахим захидал илгээх цаг ирнэ. Үсгийг нь сурчихвал, хэлийг нь мэдчих юм шиг гэнэн бодол байх шиг. Бид бүгд кирилл үсэг мэддэг мөртлөө орос хэлийг сурсан нь хэд байна вэ? Хятад, Япон, Солонгос улсууд бичиг үсгээсээ болоод дэлхийн хөгжлөөс хоцорсон нь хаана байна вэ? Харин ч биеэ даасан, эртний улс гүрэн болохын баталгаа нотолгоо нь болж байгаа бус уу. Эцэст нь, эртний түүхт Монгол орноороо бахархах, хөгжүүлэн бэхжүүлэх үйлсэд хүн бүрийн үндэсний мэдрэмж тун чухал болоод байгааг дахин дахин сануулан айлтгая.

С.ОЮУН-ЭРДЭНЭ
Дугаар 009/028/

Мэдээллийн эх сурвалж: Өнөөдрийн тойм.

Энэ сэдэвтэй холбоотой нэгэн зүйлийг би өөрөө хэлэх гэсэн юм аа.
Зурагт, радиогийн хөтлөгч нар арай дэндүү байна шүү. NTV байсан байх аа. Урьд нь гардаг байсан Тататунга шиг нэвтрүүлэг ба хоёр баг оролцоод уралддаг тэмцээн гардаг юм байна. Намайг үзэж байхад хоёр багийн нэрс нь "Няцашгүй" ба "Цикль" гэж байсан. Тэмцээн эхлээд удаагүй байхад хөтлөгч нь нэг багийнх нь нэрийг мартчихаад асуусан чинь "Няцашгүй" гэж хариултал -Ёоё, монгол хэлний аймар хэцүү үг тааралдлаа гэдэг юм даа. Нөгөө гадаад үг нь хамаагүй амар байлаа ч монгол хүн байж монгол хэлээ гадаадыхаас хэцүү гэж яаж хэлж чадаж байна даа. Ядаж дуугүй л өнгөрнө биз. Бас хавтсыг хаа гэж хэлэхгүй, папкаа хаа ч гэх шиг. Монголоо алдсан яадаг хүн бэ л гэж дургүй хүрч суулаа.

УИХ = Улсын Их Хэрүүл

2007-12-09T21:10:00.000-08:00

Нэгэн газар 76 хүний орон тоо байх юм аа. Гэвч 76-уулаа байх нь их ховор.
Тойрч сууж байгаад л хэрэлддэг. Өөр юм хийдэггүй бололтой дог оо. Зүгээр сууж байгаад л цалин авдаг, зовлон багатай ажил.

Хүмүүс

2007-11-13T06:03:00.000-08:00

http://dl.ziza.ru/other/112007/13/famous/1.jpg
Та энэ зураг дээрх хүмүүсийг таних уу?

Хэрэг болохуйц сайт

2007-10-25T05:18:00.000-07:00

www.gsmarena.com
Та эндээс GSM системийн бүх утсуудтай танилцаж болно. Шинээр гарах гэж буй, одоо үйлдвэрлэгдэж байгаа гэх мэт. Харин бүүр хуучин утаснууд байхгүй байх шүү.
Үүнд үзүүлэлт, онцлог, худалдан авагчдийн сэтгэгдэл гээд гар утас сонирхож байгаа хүнд хэрэгцээтэй мэдээллүүдийг агуулдаг.
Хооронд нь харьцуулалт хийх боломжтой.
Хэрэв та утас авахаар шийдсэн бол уг сайтаар заавал шагайгаад үзээрэй гэж зөвлөх байна.

Тэгэхгүй бол TEDY дээрх хүмүүс, зарж буй бүтээгдэхүүнийхээ онцлогийг ч сайн мэддэггүй юм байна лээ.
Нэг юм асуухаар мэдэхгүй, өөрөө үз дээ гэдэг :( Зарим нь ном энэ тэрийг нь хараад ч юм уу, наадах чинь лаг утас, 3G шүү гэж ирээд л танилцуулдаг. Ха ха. Монголд 3G байхгүй юм чинь түүгээр нь би яах билээ.

Хэ хэ. Тэгсэн би өөрөө 3G аятай утас барьдаг. Одоо хараад байхад 3G-ийн онцлогийг нь л хасчихсан, хямд үнэтэй утас байсан байна лээ шүү. :) Сайн судлаагүйн хар гай ч юм уу даа. Тэгэхдээ тийм ч их хохиролтой байгаагүй л дээ.

Дашрамд энэ сайт шиг CDMA системийн утсуудыг сайхан танилцуулчих сайтыг би олоогүй ээ.
www.cdmaarena.com гээд яг адилхан сайт байвал гоё оо.

Blogspot-д шинэ боломж нэмэгджээ.

2007-10-24T19:39:00.000-07:00

Энэ бол "Follow-up comments will be sent to qwe@asd.zxc" юм.
Өөр хүний блогд сэтгэгдэл бичихэд уг сонголт нэмэгджээ. Хэрэв энэ сонголтыг чагталбал, таны шуудангийн хаягаар, дараа дараагийн нэмэгдсэн сэтгэгдлүүдийг ирүүлэх болно.
Захиан дээр
Post a comment
Unsubscribe ...
гэсэн хоёр сонголттой байна лээ.
Энд тэнд сэтгэгдэл биччихээд, хариу авах шаардлагатай бол энэ сонголт маш их хэрэгтэй зүйл шүү.

Нөгөө блог руугаа байн, байн орж надад хариу бичсэн байна уу гэж харах шаардлагагүй, зүгээр л захиа ирэхийг хүлээ.

Крилл рүү үсэг рүү шилжих нь алдаа байсан байх

2007-10-21T21:17:00.000-07:00

Нэгэн эрдэмтэн, зохиогчийн өгүүлснээр, крилл үсгийн дүрэм нь 200 орчим байдаг, харин монгол бичиг маань арван хуруу дотор тоологдох дүрэмтэй байдаг гэнэ. Бид нарын алдаа их гаргаж байгаа нь эндээс харагдаж байгаа болов уу? Хоёр зуун дүрэм цээжлэх ч бас хэцүү ч юм аа даа.

Буцаад монгол бичиг рүү шилжвэл дээр ч юм шиг санагдчихлаа.

Хэрэг болох сайт:

2007-10-21T20:30:00.000-07:00

Даяар нүүдлийн талаарх байдлыг зургаар харуулсан байна.
Харах -
http://www.nytimes.com/ref/world/20070622_CAPEVERDE_GRAPHIC.html

Монгол улс руу орж ирсэн мөнгө манай улсын ДНБ-ий долоо орчим хувийг эзэлдэг бололтой.