2007/03/02

GAIM

Yahoo Messenger дээр яаж монголоор бичих вэ (Windows) гээд ямар арга байна гээд үзэж явтал GAIM гэдэг програмтай тааралдлаа. Ашиглаад үзсэн чинь болж байна аа. Өө, Үү үсгүүд маань зүгээр байна шүү. Олон мессенжерийн протоколтой ажиллах боломжтой юм байна. Миний хувьд л шинэ болохоос үүнийг хэрэглэдэг монголчууд цөөнгүй бололтой. Гэхдээ тэд Linux талаасаа хүмүүс л юм шиг байна лээ.
Харин одоо гол зүйлээ бичье. Энэ бол миний олж мэдсэн хэрэглүүштэй цөөн тохиргоо юм:
  • Account -ын тохиргоон дээр Advanced хуудсаар нь ороод Encoding -д нь utf-8 гэж өгөх. Үүнийг хийснээр өөр газраас (Web г.м.) бичвэр хуулж ирэхэд utf-8 кодчилолоор орж ирдэг юм билээ. Тэгэхгүй, анхны тохиргоогоороо болохоор байт, байтаар салгаад байсан шүү.
  • Одоо хэлэх зүйл бол их гоё эд байна лээ. Энэ нь Buddy Pounce. Хэн нэгэн хүний төлөв байдал өөрчлөгдөх үест ямар нэгэн үйлдлийг автоматаар хийх боломж юм. Жишээлбэл миний хийсэн нэг зүйл бол: манай ах уг нь германд байдаг юм. Сүүлийн хоёр, гурван сар мессенжерт орж ирсэнгүй. Тэгээд ороод ирэнгүүт нь шууд мессенжерийн харилцах нээхээр тохируулсан гэж байгаа.
  • Plugins. Баахан нэмэлтүүдтэй ба тэндээс нь чөлөөтэй сонгож, эс сонгож болох юм билээ.
  • Tabbed Windows. Баахан олон цонх гараад байхгүй амар. Тэгэхдээ би тийм аймар чатчин биш л дээ.
За нэг иймэрхүү.
Нэмэлт боломжууд байгаагаас гадна дутуу нь web camer, audio call шив дээ. Бусад протоколуудын хувьд мэдэхгүй юм.

2 comments:

n3xus said...

Gaim bol uneheer dajgui ed ee... Messengeriig bodvol baga ram achaalaluulana. Sayhiin tune-up gedeg ediig turshij uzeed system advice gedegeer ni uzsen chin ymessenger.exe het ih system achaalaluulj baina. Gedgiim daa. Ternees hoish gaim hereglej baigaa. Gaim heregleh bolson bas neg tom shaltgaan gevel zuuvurluh bolomjtoi portable gaim gegch ediig portableapps.com iihon hiisen baisan tgd l odoo bol Gaim iin fan bolchihson suuj baina daa.

Э. Баярсайхан said...

Намайг үүнийг хэрэглэснээс хойш надтай харьцаж байгаа хүмүүс, чи яаж Өө, Үү үсгүүдийг гаргаад байна гээд л гайхаж байна лээ. Тэгэхээр нь бяцхан сурталчилгаа хийгээд байгаа шүү.